Ka tsuʼuw jawaʼ a tákuy

Tamkuntaláb in kʼál an ólchixchik kʼal a Jehová

Ka exlaʼ i tamkuntalábil. Ka aliy jún i tamkuntaláb utat juʼtáj tit kʼwajíl.

Olchixtaláb tin kwéntaj an coronavirus (COVID-19): Al yan i kwenchaláb yab ne’ets ki ejtow ku tamkun al an Atáj Tamkuntaláb nibal ku tamkun yan ti eb. Max a le’ ka exla’ más tin kwéntaj axé’, ka tawna’ jun i Ólchix k’al a Jehová. An t’ilomtaláb axi ne’ets ka bináj jun i semana ok’xidh al an conmemoración axi in bij: «¿Jita’ játs an Ok’nom axi yab ne’ets tu ku k’ambiy?» ne’ets ka ejtow ka pa’ba’ o ka met’a ti Internet max yab ka ejtow kit tamkun.

Ka aliy juʼtáj neʼets kit tamkun (opens new window)

¿Jantʼoj u tʼajnal al i tamkuntalábil?

An ólchixchik kʼal a Jehová u támkunal tsabíl ti semana abal ki kʼakʼnaʼ a Dios. (Hebreos 10:24, 25) Al axéʼ xi tamkuntaláb patal an atikláb in ejtowal ka kʼalej, i exóbnál an Biblia ani i tsuʼtal jantʼiniʼ ti ejtowal ki punuw ti tʼajbiláb ti ejatal.

Talchik i tamkuntaláb u tʼajnal kʼal i konówixtaláb ani tokʼtsixtaláb, max a léʼ a ejtowal ka bínaʼ a tokʼtsixtal. Patal an tamkuntaláb u tujel ani u tálel kʼal i ajatláb ani i oláb.

Jitákits in ejtowal ka kʼalej ti tamkuntaláb bélits max yab i ólchix kʼal a Jehová. Abal kit otsits yab kwaʼal ka jálbiy ni jantʼoj ani tam it kʼwajatits tanáʼ yab neʼets kit konchin i tumín.