Ka tsuʼuw jawaʼ a tákuy

¡ETSʼEY KIT KULBÉCHIK!

Pulik tamkuntaláb ti 2020 in k’ál an Ólchixchik k’al a Jehová

It kʼwajat lej kanidh abal ka tsuʼuw an púlik tamkuntaláb axi in tʼajál an ólchixchik kʼal a Jehová axi óx a kʼicháj. Xowéʼ yab neʼets ki ejtow ku tamkun kom exom an yawʼláts tin kwéntaj an coronavirus (COVID-19). Axéʼ xi támub an púlik tamkuntaláb neʼets ka ejtow ka tsuʼuw ti Internet, ti en jw.org. An pejachik kʼal axéʼ xi púlik tamkuntaláb neʼets ka kʼadhbaj ban itsʼ a julio ani a agosto.

¡IT KʼWAJAT LEJ KANIDH!

  • Jawaʼ neʼets ki exóbnaʼ viernes wakal. Neʼets ki exóbnaʼ jantʼiniʼ in éjtowal an inik axi tomkidh, an uxum axi tomkidh ani an tsakamchik ka kʼwajiy kulbel al in yanél kulbél. Jayej neʼets ki exobnaʼ abal in tsʼejkabil a Jehová in tejwamedhál abal in léʼ tu ku tsuʼuw kulbél.

  • Jawaʼ neʼets ki exóbnaʼ ti sábado. ¿Jaleʼ an ólchixchik kʼal a Jehová in exobchal an atiklábchik jawaʼ in olnal an Biblia tin puwel an Tsabál? Al i tsakam tʼilomtalábchik, i videos ani i entrevistas neʼets ka wilkʼaj jaleʼ u olnom an i exóbchal kʼeʼat i atiklábchik tin kwéntaj an Biblia.

  • Jawaʼ neʼets ki exóbnaʼ ti domingo. An Biblia tu exobchal abal a Dios in binal i lablixtaláb ani játs axi in tʼajal abal ki «koʼoy i kulbetaláb ani yab tu tʼajál ki yajchiknaʼ» (Proverbios 10:22). Ka tʼajaʼ ti kwéntaj jaleʼ a éjtowal ka belaʼ axéʼ xi kaw kʼal jun i tʼilomtaláb axi in bij «¿Jantʼiniʼ i éjtowal ki koʼoy i alwaʼtaláb axi yab kin tʼajaʼ abal ki yajchiknaʼ?».

  • Videos axi ti Biblia. ¿Jantoj tu exobchal an iniktaláb ani an kulbetaláb axi in tejwamédhaʼ a Nehemías, jun i inik i inik putudh axi kʼwajiy ti biyál? Sábado wakal neʼets ka ejtow ka tsuʼuw an kʼaʼál pejach ani domingo wakal an tsabchíl pejach kʼal jun i video axi kaldhach ti Biblia, axi in bij Nehemías: An kulbetaláb axi tu pidhal a Jehová tu tsapikmedhál (Nehemías 8:10).

YAB KWAʼAL KA JALBIY ABAL KA TSUʼUW

YAB IN YEJENCHAL KA DHUCHAʼ A BIJ NIBAL KA NIʼCHIJ JUʼTAJ TIN ULAL KA TUJCHIJ TI JW.ORG

A éjtowal ka tsuʼuw an programa, jayej a éjtowal ka tsuʼuw jun i video axi in olnal jantʼoj u tʼajnal al jun i Púlik tamkuntaláb

Ka tsu'uw an pulik tamkuntaláb