Al gade sa k anndan l

Ale nan lòt meni an

Temwen Jewova yo

Kreyòl ayisyen

Ki kote Temwen Jewova yo jwenn lajan pou yo fè travay y ap fè a?

Ki kote Temwen Jewova yo jwenn lajan pou yo fè travay y ap fè a?

Se prensipalman ofrann volontè Temwen Jewova yo fè ki fè n jwenn kòb pou travay predikasyon n ap fè a. Nou pa fè lakòlèt nan reyinyon nou yo e nou pa mande manm kongregasyon an pou yo peye ladim (Matye 10:7, 8). Okontrè, nou mete bwat kontribisyon kote nou fè reyinyon nou yo, yon fason pou moun ki vle bay yon ofrann ka fè sa. Pèsonn pa konnen kiyès ki fè ofrann.

Youn nan rezon ki fè nou rive jwenn ase kòb pou n fè depans nou yo se paske nou pa gen yon gwoup moun ki responsab n ap peye. Mete sou sa, yo pa peye Temwen yo pou y al preche kay an kay e kote nou fè reyinyon nou yo byen senp.

Yo itilize tout ofrann yo voye nan biwo filyal Temwen Jewova yo pou pote sekou pou moun ki frape anba katastwòf natirèl, pou ede misyonè yo ak siveyan itineran yo, pou ede nou konstwi Sal Wayòm nan peyi ki an devlopman yo, pou ede nou enprime Bib ak lòt piblikasyon ki baze sou Bib la epi voye yo al nan lòt peyi.

Se chak moun ki deside si li vle fè yon ofrann pou depans kongregasyon an, pou travay mondyal predikasyon an, oswa pou toule de. Chak kongregasyon prepare yon rapò kont regilyèman pou enfòme moun yo nan kongregasyon an.