Al gade sa k anndan l

Ale nan lòt meni an

Temwen Jewova yo

Kreyòl ayisyen

Poukisa yo rele Jezi Pitit Bondye?

Poukisa yo rele Jezi Pitit Bondye?

Repons Bib la bay

Bondye pa gen yon madanm toutbon pou l ta fè pitit avè l. Men se li ki kreye tout sa k ap viv (Revelasyon 4:11). Donk, yo te rele Adan, premye moun Bondye te kreye a, “pitit Bondye”. (Lik 3:38.) Menm jan an tou, Bib la di se Bondye ki te kreye Jezi, se poutèt sa yo rele Jezi “Pitit Bondye”. — Jan 1:49.

Bondye te kreye Jezi anvan li te kreye Adan. Anpalan de Jezi, men sa apot Pòl te ekri: “Li se pòtre Bondye envizib la, se li ki fèt an premye nan tout kreyasyon an.” (Kolosyen 1:15). Lavi Jezi te kòmanse byen lontan anvan li te vin fèt nan Betleyèm nan yon manjwa. Alaverite, Bib la di li se “Sila a ki la depi digdantan an, wi, depi byen lontan an”. (Miche 5:2.) Antanke premye Pitit Bondye, Jezi te yon espri nan syèl la anvan li te vin fèt antanke moun sou tè a. Jezi li menm te di: “Mwen desann sot nan syèl la.” — Jan 6:38; 8:23.