Al gade sa k anndan l

Ale nan lòt meni an

Temwen Jewova yo

Kreyòl ayisyen

KESYON JÈN YO KONN POZE

Ki jan m ka motive pou m fè egzèsis?

Ki jan m ka motive pou m fè egzèsis?

Bib la di: “Fè egzèsis fizik itil.” (1 Tim. 4:8). Sepandan, anpil nan jèn ki konn di “m dwe fè egzèsis” yo jis sanble pa twò chofe pou fè sa.

“Ou pap vle kwè m si m di w kantite elèv ki te konn gen move nòt pou spò lè m te nan kolèj. Epoutan se yon klas fasil ki pote anpil byenfè!” — Richard, 21 an.

“Gen kèk jèn ki di tèt yo: ‘Poukisa pou m al kouri deyò a anba yon gwo chalè jiskaske m mouye ak swe epi m fatige alòske m te ka jwe yon jwèt videyo kote m pretann m ap fè sa?’ ” — Ruth, 22 an.

Si w santi w konsa, konsidere twa avantaj w ap jwenn lè w gen yon bon pwogram pou w fè egzèsis.

Avantaj n1. Lè w fè egzèsis, kò w jwenn fòs pou l lite kont maladi. “Papa m te toujou di m: ‘Si w pa ka jwenn tan pou w fè egzèsis, w ap jwenn plis tan pou w malad.’ ” — Rachel, 19 an.

Avantaj no 2. Lè w fè egzèsis, sèvo w pwodui yon seri eleman chimik ki fè w vin kalm. Kouri ede m santi m kalm lè m gen anpil bagay nan lespri m. Sa fè m santi m tounèf fizikman e sa fè m vrèman santi m soulaje.” — Emily, 16 an.

Avantaj no 3. Lè w fè egzèsis, ou jwenn anpil plezi. Men sa Ruth di: “M renmen fè aktivite deyò. Kòm egzèsis, m renmen monte ti mòn, naje, glise sou nèj ak planch epi monte bekàn.

Sekrè pou w reyisi: Rezève omwen 20 minit twa fwa pa semèn pou w fè yon gwo aktivite ou renmen.

Sonje sa: Se vre kondisyon fizik nou depann de kèk faktè ereditè, men, byen souvan, se fason nou viv ki detèmine sa. Donk, lè w di “m dwe fè egzèsis”, se chwa pa w; ou kapab fè yon bagay pou sa!