Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Toudegad  |  Novanm 2014

 SIJÈ KI SOU PAJ KOUVÈTI A | ÈSKE SATAN EGZISTE?

Èske Satan egziste?

Èske Satan egziste?

Yon estati nan Madrid, ann Espay, ki prezante Satan kòm yon move zanj ki pèdi pozisyon l.

“Mwen te grandi nan peyi Salvadò. Lè m te timoun, depi m te dezobeyi manman m, li te konn di m: ‘Dyab la ap vin pran w!’ Men sa mwen te reponn li: ‘Li mèt vini!’ M te kwè nan Bondye, men, m pa t kwè nan Satan.” — ROGELIO.

Èske w dakò ak Rogelio? Kiyès nan opinyon ki vin apre yo ki parèt rezonab pou ou?

  • Satan pa egziste vre, li se jis yon senbòl ki reprezante sa ki mal.

  • Satan egziste, men, li pa twò enterese nan lèzòm.

  • Satan se yon kreyati ki pisan ki gen gwo enfliyans sou lèzòm.

Gen plizyè milyon moun ki ka dakò ak youn nan chak opinyon sa yo. Men, èske li vrèman enpòtan pou n konnen kiyès nan opinyon sa yo ki bon? Si Satan pa egziste vre, sèke yo twonpe moun ki kwè li egziste yo. Sepandan, si Satan egziste vre, men, li pa enterese nan lèzòm, ebyen, gen anpil moun k ap pran prekosyon avè l oubyen ki menm pè l pou granmesi. Men, si Satan se yon kreyati k ap twonpe moun, nan ka sa a, li pi danjere pase sa pifò moun panse.

Annou egzamine fason Bib la reponn kesyon sa yo: Ki sa Satan ye oubyen kiyès li ye? Èske li se yon senbòl ki reprezante sa ki mal oubyen èske li se yon kreyati espirityèl? Si Satan se yon pèsòn reyèl, èske li reprezante yon danje pou ou? Si wi, ki sa w ka fè pou w pwoteje tèt ou?