Al gade sa k anndan l

Ale nan lis ki di sa k anndan l lan

Repons Bib la bay

Repons Bib la bay

Ki jan Dyab la fè vin egziste?

Se pa Bondye ki te kreye Dyab la. Okontrè, Bondye te kreye yon zanj, men annapre zanj lan vin Dyab la, se li yo rele Satan tou. Jezi te fè konprann te gen yon lè zanj ki vin Dyab la te nan laverite e li te san repwòch. Okòmansman, zanj ki vin Dyab la te yon pitit espirityèl Bondye ki te jis. — Li Jan 8:44.

Kòman yon zanj fè vin Dyab la?

Zanj ki te vin Dyab la te chwazi vire do bay Bondye e li te pouse de premye moun ki t ap viv sou tè a fè menm jan avè l. Konsa, li te fè tèt li tounen Satan, ki vle di “Opozan an”. — Li Jenèz 3:1-5; Revelasyon 12:9.

Menm jan ak lòt kreyati espirityèl Bondye yo, zanj sa a ki te vin Dyab la te gen libète pou l chwazi fè sa ki byen oswa fè sa ki mal. Men, li te vin gen yon gwo anvi pou moun adore l. Gwo anvi li te genyen pou moun adore l la te pi fò pase anvi li te genyen pou l fè Bondye plezi. — Li Matye 4:8, 9; Jak 1:13, 14.

Ki jan Dyab la kontinye enfliyanse moun jodi a? Èske w dwe pè Dyab la? Ou ka jwenn repons kesyon sa yo nan Bib la.