Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Toudegad  |  Janvye 2013

Pou lektè nou yo

Pou lektè nou yo

Premye fwa nou te pibliye peryodik ki nan men w lan, se te an jiyè 1879. Depi lè sa a, epòk yo chanje. Menm jan an tou, gen anpil chanjman nou fè nan peryodik sa a. (Gade foto ki pi wo yo.) Apati nimewo sa a, w ap remake lòt chanjman nou fè nan fason nou prezante Toudegad la. Ki sa k chanje?

Nan anpil peyi, kantite moun ki chèche pran enfòmasyon sou Entènèt pa sispann ogmante e yo alèz pou yo fè sa. Yon moun ka annik fè yon klik pou l jwenn yon seri enfòmasyon ki disponib sou Entènèt sèlman. Yo menm mete liv, revi ak jounal sou Entènèt pou moun li.

Etandone moun abitye sèvi ak Entènèt pou yo ka jwenn enfòmasyon, sa pa gen lontan nou fè yon gwo pase men nan sit wèb www.jw.org la. Nou fè sit la yon fason pou l pi enteresan pou moun sèvi avè l e nou fè l pi fasil pou moun navige sou li. Moun ki al sou sit la ka li piblikasyon ki parèt nan plis pase 430 lang. Anplis de sa, apati mwa sa a, gen kèk ribrik ki te konn parèt nan peryodik nou enprime yo k ap parèt sou sit wèb nou an sèlman. E yon moun ki al sou sit la ap ka li atik sa yo *.

Etandone gen lòt ribrik toujou nou pral pibliye sou Entènèt sèlman, Toudegad piblik la pap gen 32 paj ankò, men pito l ap gen 16 paj apati nimewo sa a. Nou deja pibliye Toudegad nan 204 lang. Piske Toudegad piblik la ap gen mwens paj, kounye a li pral posib pou nou tradui l nan pi plis lang toujou.

Nou espere chanjman sa yo pral pèmèt nou rive fè plis moun konnen mesaj ki nan Bib la, yon mesaj ki ka sove lavi moun. Nou detèmine pou nou bay lektè nou yo bonjan enfòmasyon ki enteresan k ap pèmèt yo pi byen konprann Bib la. Konsa, lektè nou yo ki respekte Bib la e ki vle konnen sa l anseye toutbonvre ap jwenn byenfè ni nan piblikasyon nou enprime ni nan piblikasyon nou mete sou Entènèt.

Editè yo

^ § 5 Pami ribrik k ap parèt sou sit la sèlman, n ap jwenn ribrik ki gen tit: “Explore la Bible!” Ribrik sa a ap gen ladan l sijè biblik pou jèn yo egzamine ak aktivite pou yo fè. Gen yon lòt ribrik k ap parèt ki rele “Comptines bibliques”. Nou fè ribrik sa a pou paran yo egzamine l ak pitit yo ki nan laj twazan oubyen ki pi piti.