Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Toudegad  |  No 1 2018

Èske konsèy ki nan Bib la toujou itil jodi a?

Èske konsèy ki nan Bib la toujou itil jodi a?

KÈK MOUN DI NON. Gen yon doktè ki te di yon moun ki pran Labib kòm gid tankou yon moun ki pran yon liv ki la depi ane 1920 yo pou l anseye chimi. Yon moun ki pa gen okenn respè pou Labib ka menm mande w si w t ap dakò sèvi ak yon liv yo te fè pou yon modèl òdinatè ki pa menm egziste ankò pou w konnen kòman pou w itilize yon òdinatè dènye modèl. Se yon fason pou n di, gen moun ki panse pa gen okenn fason Labib ka itil yon moun jodi a.

Poukisa pou yon moun ta sèvi ak yon liv ki ansyen konsa alòske n ap viv nan yon monn jodi a kote gen gwo pwogrè k ap fèt nan domèn teknoloji? Dayè, se pa ni de ni twa sit wèb ak blòg k ap fè moun jwenn konsèy ak dènye enfòmasyon ki genyen yo. Gen anpil pwogram ak emisyon yo pase nan televizyon ki montre yon seri sikològ ki gen anpil konpetans, yon seri espè k ap bay enfòmasyon sou fason pou moun viv ak yon seri ekriven. E nan anpil libreri, moun yo ka achte liv ki ka ede yo nan yon domèn kèlkonk, e se yon biznis ki rapòte plizyè milya dola.

Donk, poukisa pou yon moun konte sou Labib, yon liv ki gen prèske 2 000 an depi yo te fin ekri l, lè l ka jwenn dènye enfòmasyon ki disponib yo nan yon bat je sèlman? Èske moun ki pa gen okenn respè pou Labib yo pa gen rezon pou yo di yon moun ki sèvi ak liv ansyen sa a tankou yon moun k ap sèvi ak yon liv chimi oswa yon liv pou òdinatè enfòmasyon ki ladan l yo pa ajou ankò. Anfèt, rezònman yo fè a pa bon. Se vre, lasyans ak teknoloji chanje byen vit, men, èske sa lèzòm bezwen yo chanje vre? Pa egzanp, moun toujou bezwen konnen poukisa yo egziste, e yo toujou vle gen kè kontan ak sekirite nan yon nivo ki rezonab, pou lavi fanmi yo reyisi e pou yo gen zanmi yo ka fè konfyans.

Menmsi Labib la depi lontan, li pale sou bagay sa yo ak sou anpil lòt ankò. Selon sa yo fè konnen se Sila ki te kreye nou an ki te fè ekri l. Liv sa a gen enfòmasyon ki ka gide nou nan tout aspè nan lavi nou epi ban nou tout sa n bezwen pou n rive fè fas ak kèlkeswa pwoblèm nan (2 Timote 3:16, 17). Anplis de sa, yo fè konnen tou l ap toujou itil, li pap janm nesesè pou yo pase men ladan l. Men sa Labib li menm fè konnen: “Pawòl Bondye a vivan.” — Ebre 4:12.

Èske nou ka fè sa Labib di yo konfyans toutbonvre? Èske li pase mòd, oswa èske se vre li se yon liv ki gen bon konsèy ladan l ki ka gide nou jodi a? Toudegad sa a se premye nan yon seri atik espesyal e li fèt nan objektif pou ede w jwenn repons pou kesyon nou sot site yo.