Al gade sa k anndan l

Ale nan lis ki di sa k anndan l lan

 ENDONEZI

Lanmou kretyen yo demontre lè gen katastwòf natirèl

Lanmou kretyen yo demontre lè gen katastwòf natirèl

TRANBLEMANNTÈ, sounami ak vòlkan se bagay ki souvan kontrarye lavi moun ann Endonezi. Lè katastwòf sa yo frape, pèp Jewova a toujou pare pou ede moun ki sinistre yo e yo sitou ede frè yo nan domèn espirityèl. Pa egzanp, an 2005, gen yon gwo tranblemanntè ki te frape Gounoungsitoli, dezyèm pi gwo zòn nan zile Nias, Soumatra dinò. San pèdi tan, kongregasyon ki te sou zile Soumatra yo ansanm ak biwo filyal la te voye èd nan zòn ki te afekte a. Siveyan sikonskripsyon nan zòn nan ansanm ak reprezantan biwo filyal la te vin ankouraje epi rekonfòte frè yo sou zile a. Men sa Yuniman Harefa, yon ansyen sou zile Nias, te di: “Laperèz te anvayi tout moun nan zòn nan, men, fason òganizasyon Bondye a te reyaji byen vit la te ban nou asirans nou pa poukont nou.”