Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Liv aktivite Temwen Jewova yo — 2016

 ENDONEZI

Komès epis

Komès epis

NAN 16yèm syèk la, se komès epis ki te baz ekonomi monn nan menm jan sa ye pou komès petwòl la jodi a. Yo te konn al chèche epis tankou miskad ak jiwòf sou kèk zile ki te konn pwodui anpil epis (kounye a zile sa yo se Maloukou ak Maloukou dinò ann Endonezi) epi y al vann epis yo byen chè ann Ewòp.

Gen kèk eksploratè tankou Christophe Colomb, Vasco de Gama, Ferdinand Magellan, Samuel de Champlain ak Henry Hudson ki te chèche jwenn wout ki mennen sou zile epis yo. Se nan chèche epis endonezyen yo lèzòm te vin pi byen konprann jeyografi tè a pou premye fwa.