Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Liv aktivite Temwen Jewova yo — 2016

 ENDONEZI

Yon kongrè nou pap janm bliye

Yon kongrè nou pap janm bliye

SOTI 15 rive 18 out 1963, plizyè santèn pwoklamatè ki te sot toupatou nan peyi a ak 122 delege entènasyonal te rasanble nan vil Bandoung, nan Java delwès. Yo te vin nan asanble “La bonne nouvelle éternelle” la ki se premye asanble entènasyonal ki te fèt ann Endonezi.

Frè yo te jwenn anpil pwoblèm lè yo t ap prepare evènman sa a. Yo te oblije chanje lokal pandan twa fwa akoz fèt Jou endepandans nasyonal la. Lè otorite yo te ogmante pri transpò a rive nan 400 pousan akoz tout kantite moun ki te genyen yo, kèk delege te jis chwazi lòt mwayen transpò. Gen yon frè ki te fè sis jou ap mache pou l vin asiste asanble a. Gen 70 delege ki te soti Soulawesi e ki te fè senk jou ap vwayaje nan bato san kouvri ki chaje ak moun pou yo vin asiste evènman an.

Nan kongrè a, delege endonezyen yo te kontan rankontre frè ak sè ki sot nan lòt peyi yo ak de manm Kolèj santral la, anpalan de Frederick Franz ak Grant Suiter. Men sa youn nan vizitè yo te di: “Sanble frè yo kontan anpil dèske yo la a, paske yo pa janm sispann ri e yo toujou ap souri.”

Gen plis pase 750 moun ki te asiste asanble a e te gen 34 batèm. Men sa Ronald Jacka te di: “Gwo asanble sa a te fè anpil moun ki enterese nan Labib pran pozisyon pou laverite. Li te fè frè lokal yo vin pi chofe nan travay Bondye a.”

Ronald Jacka (adwat) k ap bay yon diskou nan asanble “La bonne nouvelle éternelle” la, an 1963, ansanm ak yon entèprèt.