Al gade sa k anndan l

Ale nan lis ki di sa k anndan l lan

Zakari 2​:​1-13

SA K LADAN L

  • Twazyèm vizyon: Yon mesye ki gen yon kòd nan men l pou l mezire (1-13)

    • Li pral pran mezi Jerizalèm (2)

    • Jewova “tankou yon miray dife toutotou” Jerizalèm (5)

    • Se gla je Bondye yo manyen (8)

    • Anpil nasyon ap rasanble devan Jewova (11)

2  Epi, mwen te leve je m e mwen te wè yon mesye ki gen yon kòd nan men l pou l mezire+.  Se konsa, mwen mande l: “Ki kote w prale?” Li reponn mwen: “Mwen pral pran mezi Jerizalèm pou m wè lajè l ak longè l+.”  Epi, gade! Zanj ki t ap pale avè m nan te soti e yon lòt zanj te vin rankontre l.  Li di l: “Kouri al lòtbò a, al di jennonm nan: ‘“Moun pral abite Jerizalèm+ menm jan moun abite nan yon vil ki pa gen miray, paske ap vin gen anpil moun ak anpil bèt ladan l+.  Epi, m ap vin tankou yon miray dife toutotou l+ e m ap plen l ak glwa mwen+.”’” Se sa Jewova di.  Men sa Jewova di: “Vini! Vini! Kouri kite peyi ki nan nò a+, “Paske, mwen te gaye nou nan kat kwen tè a*+.” Se sa Jewova di.  “Vini, nou menm moun Siyon! Chape poul nou, nou menm ki abite nan vil Babilòn+.  Paske, apre Jewova, Chèf lame yo, te fin jwenn glwa e li te voye m al kot nasyon ki t ap dechèpiye w yo+, men sa li di: ‘Nenpòt moun ki manyen nou, se gla je m li manyen+.  Paske, kounye a, mwen pral leve men m pou m pini yo e y ap vin tounen bagay pou esklav pa yo piye+.’ Epi, san mank, n ap konnen se Jewova, Chèf lame yo, ki voye m. 10  “O nou menm, moun ki nan vil Siyon+, rele byen fò tèlman nou kontan. Paske, m ap vini+ e m ap abite nan mitan nou+.” Se sa Jewova di. 11  Epi, li di: “Jou sa a, anpil nasyon ap rasanble devan mwen menm, Jewova+, e y ap vin pèp mwen. E m ap abite nan mitan nou.” Lè sa a, n ap oblije konnen se Jewova, Chèf lame yo, ki voye m kote nou. 12  Jewova pral pran Jida kòm eritaj li nan tè ki sakre a e l ap chwazi Jerizalèm ankò+. 13  Se pou tout moun fè silans devan Jewova, paske l ap aji detan l kote l abite a ki sakre.

Nòt anba paj

Lit.: “nan kat van ki sot nan syèl la”.