Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Nonb 29​:​1-40

SA K LADAN L

  • Fason pou yo fè divès kalite ofrann (1-40)

    • Jou pou sonnen twonpèt (1-6)

    • Jou Pirifikasyon an (7-11)

    • Fèt Tonèl (12-38)

29  “‘Nan setyèm mwa a, premye jou nan mwa a, nou dwe reyini pou n adore Bondye. Nou pa dwe fè okenn travay di+. Nou dwe sonnen twonpèt nan jou sa a+.  N ap bay yon sakrifis y ap boule nèt pou yon bon sant monte al jwenn Jewova pou fè l plezi*, sa vle di yon jenn towo bèf, yon mal mouton ak sèt ti mal mouton ki gen ennan. Yo youn pa dwe gen okenn domaj.  N ap bay yo ansanm ak ofrann manje angren ki fèt ak farin bon kalite melanje ak luil, sa vle di twa dizyèm efa* farin pou towo bèf la, de dizyèm efa* farin pou mal mouton an  ak yon dizyèm efa* farin pou chak mouton nan sèt ti mal mouton yo.  N ap bay yon jenn ti bouk kabrit kòm sakrifis pou peche pou n ka jwenn padon.  N ap fè sakrifis sa yo, anplis sakrifis yo boule nèt chak mwa a ak ofrann manje angren ki mache avè l la+ ak sakrifis yo abitye boule nèt chak tan an ansanm ak ofrann manje angren ki mache avè l la+ ak bwason y ap vide kòm ofrann ki mache avè yo a+, selon jan sa dwe fèt la. Se yon ofrann y ap boule pou Jewova pou yon bon sant monte al jwenn li pou fè l plezi*.  “‘Dizyèm jou nan setyèm mwa a, nou dwe reyini pou n adore Bondye+ e nou* dwe nan lapenn poutèt peche nou yo*. Nou pa dwe fè okenn travay+.  N ap bay yon sakrifis y ap boule nèt pou yon bon sant monte al jwenn Jewova pou fè l plezi*, sa vle di yon jenn towo bèf, yon mal mouton ak sèt ti mal mouton ki gen ennan. Yo youn pa dwe gen okenn domaj+.  N ap bay yo ansanm ak ofrann manje angren ki fèt ak farin bon kalite melanje ak luil, sa vle di twa dizyèm efa farin pou towo bèf la, de dizyèm efa farin pou mal mouton an 10  ak yon dizyèm efa farin pou chak mouton nan sèt ti mal mouton yo. 11  Epi, n ap bay yon jenn ti kabrit kòm sakrifis pou peche, anplis sakrifis nou te bay pou nou jwenn padon an+ ak sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avèk yo a. 12  “‘Nan 15yèm jou nan setyèm mwa a, nou dwe reyini pou n adore Bondye. Nou pa dwe fè okenn travay di. Nou dwe fè yon fèt pou Jewova pandan sèt jou+. 13  N ap bay yon sakrifis y ap boule nèt+ pou yon bon sant monte al jwenn Jewova pou fè l plezi*, sa vle di 13 jenn towo bèf, 2 mal mouton ak 14 ti mal mouton ki gen ennan. Yo youn pa dwe gen okenn domaj+. 14  N ap bay yo ansanm ak ofrann manje angren ki fèt ak farin bon kalite melanje ak luil, sa vle di twa dizyèm efa farin pou chak bèf nan 13 towo bèf yo, de dizyèm efa farin pou chak mouton nan 2 mal mouton yo 15  ak yon dizyèm efa farin pou chak mouton nan 14 ti mal mouton yo. 16  Epi, n ap bay yon jenn ti kabrit kòm sakrifis pou peche, anplis sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avè l la+. 17  “‘Nan dezyèm jou a, nou dwe ofri 12 jenn towo bèf, 2 mal mouton ak 14 ti mal mouton ki gen ennan. Yo youn pa dwe gen okenn domaj+. 18  N ap bay ofrann manje angren an ak bwason y ap vide kòm ofrann yo ansanm ak towo bèf yo, mal mouton yo ak ti mal mouton yo, selon kantite yo ye a, jan sa dwe fèt la. 19  Epi, n ap bay yon jenn ti kabrit kòm sakrifis pou peche, anplis sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avè yo a+. 20  “‘Nan twazyèm jou a, nou dwe ofri 11 towo bèf, 2 mal mouton ak 14 ti mal mouton ki gen ennan. Yo youn pa dwe gen okenn domaj+. 21  N ap bay ofrann manje angren an ak bwason y ap vide kòm ofrann yo ansanm ak towo bèf yo, mal mouton yo ak ti mal mouton yo, selon kantite yo ye a, jan sa dwe fèt la. 22  Epi, n ap bay yon kabrit kòm sakrifis pou peche, anplis sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avè l la+. 23  “‘Nan katriyèm jou a, nou dwe ofri 10 towo bèf, 2 mal mouton ak 14 ti mal mouton ki gen ennan. Yo youn pa dwe gen okenn domaj+. 24  N ap bay ofrann manje angren an ak bwason y ap vide kòm ofrann yo ansanm ak towo bèf yo, mal mouton yo ak ti mal mouton yo, selon kantite yo ye a, jan sa dwe fèt la. 25  Epi, n ap bay yon jenn ti kabrit kòm sakrifis pou peche, anplis sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avè l la+. 26  “‘Nan senkyèm jou a, nou dwe ofri 9 towo bèf, 2 mal mouton ak 14 ti mal mouton ki gen ennan. Yo youn pa dwe gen okenn domaj+. 27  N ap bay ofrann manje angren an ak bwason y ap vide kòm ofrann yo ansanm ak towo bèf yo, mal mouton yo ak ti mal mouton yo, selon kantite yo ye a, jan sa dwe fèt la. 28  Epi, n ap bay yon kabrit kòm sakrifis pou peche, anplis sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avè l la+. 29  “‘Nan sizyèm jou a, nou dwe ofri 8 towo bèf, 2 mal mouton ak 14 ti mal mouton ki gen ennan. Yo youn pa dwe gen okenn domaj+. 30  N ap bay ofrann manje angren an ak bwason y ap vide kòm ofrann yo ansanm ak towo bèf yo, mal mouton yo ak ti mal mouton yo, selon kantite yo ye a, jan sa dwe fèt la. 31  Epi, n ap bay yon kabrit kòm sakrifis pou peche, anplis sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avè l la+. 32  “‘Nan setyèm jou a, nou dwe ofri 7 towo bèf, 2 mal mouton ak 14 ti mal mouton ki gen ennan. Yo youn pa dwe gen okenn domaj+. 33  N ap bay ofrann manje angren an ak bwason y ap vide kòm ofrann yo ansanm ak towo bèf yo, mal mouton yo ak ti mal mouton yo, selon kantite yo ye a, jan sa dwe fèt la. 34  Epi, n ap bay yon kabrit kòm sakrifis pou peche, anplis sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avè l la+. 35  “‘Nan uityèm jou a, nou dwe fè yon rasanbleman espesyal. Nou pa dwe fè okenn travay di+. 36  N ap bay yon sakrifis y ap boule nèt pou yon bon sant monte al jwenn Jewova pou fè l plezi*, sa vle di yon towo bèf, yon mal mouton ak sèt ti mal mouton ki gen ennan. Yo youn pa dwe gen okenn domaj+. 37  N ap bay ofrann manje angren an ak bwason y ap vide kòm ofrann yo ansanm ak towo bèf la, mal mouton an ak ti mal mouton yo, selon kantite yo ye a, jan sa dwe fèt la. 38  Epi, n ap bay yon kabrit kòm sakrifis pou peche, anplis sakrifis yo abitye boule nèt chak tan an ansanm ak ofrann manje angren ki mache avè l la ak bwason y ap vide kòm ofrann ki mache avè l la+. 39  “‘Se sakrifis sa yo n ap fè pou Jewova nan epòk fèt nou yo+, anplis ofrann n ap bay lè n ap fè yon ve+, ofrann kè nou pouse nou fè+ n ap bay kòm sakrifis yo boule nèt yo+, ofrann manje angren n ap bay yo+, bwason y ap vide kòm ofrann n ap bay yo+ ak sakrifis kominyon* n ap fè yo+.’” 40  Moyiz di Izrayelit yo tout sa Jewova te ba l lòd fè.

Nòt anba paj

Oswa: “pou kalme l”. Lit.: “pou ba l repo”.
Oswa: “anviwon dis ti mamit edmi”. Yon efa egal 22 lit. Gade Apendis B14.
Oswa: “anviwon sèt ti mamit”. Yon efa egal 22 lit. Gade Apendis B14.
Oswa: “anviwon twa ti mamit edmi”. Yon efa egal 22 lit. Gade Apendis B14.
Oswa: “pou kalme l”. Lit.: “pou ba l repo”.
Oswa: “nanm nou”.
An jeneral, moun yo te “montre yo nan lapenn pou peche yo”, sa vle di yo te sispann fè kèk bagay pou yo montre yo nye tèt yo. Pa egzanp, yo te konn rete san manje.
Oswa: “pou kalme l”. Lit.: “pou ba l repo”.
Oswa: “pou kalme l”. Lit.: “pou ba l repo”.
Oswa: “pou kalme l”. Lit.: “pou ba l repo”.
Oswa: “ofrann lapè”.