Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Miche 6​:​1-16

SA K LADAN L

  • Jijman Bondye kont pèp Izrayèl la (1-5)

  • Ki sa Jewova mande moun fè? (6-8)

    • Fè sa ki jis, montre nou fidèl, rekonèt limit nou (8)

  • Pèp Izrayèl la koupab e l ap jwenn pinisyon (9-16)

6  Tanpri, koute sa Jewova di nou.Leve, epi prezante ka nou an devan mòn yo,E se pou ti mòn yo tande vwa nou+.   Nou menm mòn yo, tande ka Jewova ap prezante a,Wi, nou menm ki fondasyon tè a e ki solid+.Paske, Jewova nan yon pwosè ak pèp li a.Tande agiman l ap prezante kont pèp Izrayèl la+:   “Nou menm pèp mwen an, ki sa m fè nou?Ki sa m fè nou ki fè nou bouke avè m+?Se pou nou temwaye kont mwen.   Se mwen ki te fè nou soti nan peyi Ejip+.Se mwen ki te libere nou pou n pa esklav ankò+.Se mwen ki te voye Moyiz, Arawon ak Miryam bò kote nou+.   Nou menm pèp mwen an, souple, se pou nou sonje ki sa Balak, wa peyi Mowab la, te vle fè+,E ki sa Balaam, pitit gason Beyò a, te reponn li+,(Sa k te pase soti Sitim+ rive Gilgal+ la)Konsa, n ap konnen Jewova toujou fè sa ki dwat.”   Ak ki sa m ap vin devan Jewova?Ak ki sa m ap pwostène devan Bondye m nan ki anlè a?Èske m ap vin devan l ak bèt pou m ofri l kòm sakrifis yo boule nèt,Ak ti bèf ki gen ennan+?   Èske Jewova ap kontan si m ofri l plizyè milye mal mouton?Èske se plizyè dizèn milye rivyè luil pou m ofri l+?Èske se premye pitit gason m pou m ba li pou rebelyon m nan?Èske se fwi zantray mwen pou m bay pou peche m* fè+?   Ou menm lòm, Jewova fè w konnen sa ki bon.E ki sa li mande w pou w fè*?Èske se pa pou w fè sa ki dwat*+, pou w renmen fidelite*+,Epi pou w mache avèk Bondye w la+, e pou w fè sa avèk imilite*+?   Yo tande vwa Jewova nan vil la.Moun ki gen sajès ap gen lakrentif pou non w.Se pou nou suiv baton an ak moun ki chwazi l la+. 10  Èske lakay mechan an gen richès toujou ki fèt nan move kondisyonAnsanm ak efa* ki pa egzak, yon bagay ki bay degoutans? 11  Èske mwen t ap byen aji* si m ta sèvi ak move balansE m ta gen move pèz nan sak mwen+? 12  Moun rich ki ladan l yo lage kò yo nan fè vyolans.Moun ki abite ladan l yo bay manti+,Yo sèvi ak lang yo pou yo twonpe moun+. 13  “Kidonk, m ap blese nou lè m frape nou+,M ap fini ak nou nèt akoz peche nou yo. 14  N ap manje, men vant nou pap plen.Vant nou ap ret vid+.Sa nou pran yo, nou pap ka sere yo pou nou,E sa nou rive pote ale yo, m ap fè ènmi nou detwi yo. 15  N ap simen, men nou pap rekòlte anyen.N ap pile oliv, men nou pap itilize luil la.N ap fè diven, men nou pap bwè diven an+. 16  Paske, se kòmandman Omri yo ak vye bagay Ahab ak moun lakay li t ap fè yo n ap suiv+,E se konsèy yo bay nou obeyi.Se sa k fè m ap pini nou, e nasyon yo ap pè lè yo wè sa m fè nou.M ap fè yo bat plezi sou moun ki abite nan vil la+.Tout moun ap pase nou nan rizib+.”

Nòt anba paj

Oswa: “pou peche nanm mwen”.
Oswa: “li mande w anretou”.
Oswa: “pou w montre w pa gen patipri”.
Oswa: “pou w montre w gen bon kè e ou fidèl nan demontre w gen lanmou”. Lit.: “pou w renmen lanmou ki fidèl”.
Oswa: “e pou w fè sa toutpandan w rekonèt limit ou”.
Lit.: “Èske mwen t ap pwòp”. Oswa: “Èske mwen t ap inosan”.