Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Miche 4​:​1-13

SA K LADAN L

  • Mòn Jewova a vin pi wo (1-5)

    • Epe ap tounen zouti pou raboure latè (3)

    • “N ap mache nan non Jewova” (5)

  • Vil Siyon ap vin djanm (6-13)

4  Nan dènye jou yo,Mòn kote kay Jewova a ye a+Ap tabli byen djanm, e l ap vin pi wo pase lòt mòn yo.L ap vin pi wo pase ti mòn yo,E pèp yo ap vin an foul sou li+.   Moun nan anpil nasyon va ale e yo va di:“Vini, annou monte sou mòn Jewova a,Ann al nan kay Bondye Jakòb la+.L ap fè nou konnen wout li yo,E n ap mache nan chemen l yo.”Paske, lalwa* ap soti Siyon,E pawòl Jewova a ap soti Jerizalèm.   Bondye ap aji antanke jij nan mitan anpil pèp+,L ap met lòd* nan mitan nasyon ki pisan, kit yo pre kit yo lwen.Y ap bat epe yo pou yo fè yo tounen zouti pou raboure latè,E y ap bat lans yo pou yo fè yo tounen sèpèt+.Nasyon yo pap pran epe pou yo atake youn lòt ankò,E yo pap aprann fè lagè ankò+.   Chak moun ap chita* anba pye rezen yo ak pye fig frans yo+,E pa gen pèsonn k ap vin fè yo pè+.Se Jewova, Chèf lame yo, ki di sa ak bouch li.   Tout pèp yo ap mache nan non dye y ap sèvi yo,Men nou menm, n ap mache nan non Jewova, Bondye nou an+, pou tout tan gen tan.   “Jou sa a”, se sa Jewova di,“M ap rasanble moun ki t ap bwete yo,M ap rasanble moun ki te gaye toupatou yo+,Ansanm ak moun mwen te pini yo.   M ap fè gen kèk moun ki rete pami moun ki t ap bwete yo e m ap sove yo+.M ap fè sa ki te gaye byen lwen yo vin yon nasyon ki pisan+.Mwen menm, Jewova, m ap dirije yo antanke wa sou Mòn Siyon,Depi kounye a e pou toutan.   Kanta pou ou, fòtrès kote twoupo a ye a,Mòn kote vil Siyon ye a+,Dominasyon an ap tounen nan men w ankò, wi, premye dominasyon an*+,Wayòm ki te nan vil Jerizalèm nan+.   Men, poukisa n ap rele byen fò konsa?Èske se wa nou pa genyen?Oubyen, èske se moun ki konn ban nou konsèy la ki mouri,Ki fè doulè pran nou tankou fi k ap akouche+? 10  Nou menm moun Siyon yo, se pou nou tòde, se pou nou plennTankou fi k ap akouche.Paske, nou gen pou n kite vil nou an pou n al abite nan savann.Nou gen pou n al jis Babilòn+,E se la m ap vin sove nou+.Se la, mwen menm, Jewova, m ap vin sove nou anba men ènmi nou yo+. 11  Gen anpil nasyon k ap rasanble kont nou.Y ap di: ‘Se pou yo fin dezonore l nèt.N ap kontan lè nou wè sa rive Siyon.’ 12  Men, yo pa konnen ki sa Jewova gen nan lespri l,Yo pa konprann objektif li*.Li gen pou l rasanble yo menm jan yo rasanble manje angren yo fèk rekòlte kote yo pral bat yo a. 13  Moun Siyon, leve kanpe epi bat manje angren an+.Paske, m ap fè kòn nou vin tankou kòn ki fèt an fè,M ap fè zago nou vin tankou zago ki fèt an kuiv,Konsa n ap pilonnen anpil pèp pou n fè yo tounen pousyè+.N ap mete tout sa yo genyen nan move kondisyon yo apa pou Jewova,N ap mete tout richès yo genyen yo apa pou vrè Seyè ki Mèt tout tè a+.”

Nòt anba paj

Oswa: “enstriksyon”.
Oswa: “L ap korije bagay yo”.
Oswa: “ap abite”.
Oswa: “ansyen dominasyon an”.
Oswa: “konprann konsèy li”.