Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Miche 3​:​1-12

SA K LADAN L

  • Yo denonse moun k ap dirije yo ak pwofèt yo (1-12)

    • Miche gen fòs grasa lespri Jewova (8)

    • Prèt yo anseye moun pou lajan (11)

    • Jerizalèm ap tounen yon pil dekonm (12)

3  Mwen di: “Tanpri, koute sa m ap di nou, nou menm ki alatèt desandan Jakòb yo,Nou menm k ap dirije nan mitan moun Izrayèl yo+.Èske se pa nou menm ki dwe konnen sa ki jis?   Epoutan, nou rayi sa ki byen+ e nou renmen sa ki mal+.Nou rache po moun ki nan pèp mwen an sou yo e nou retire chè yo sou zo yo+.   Mete sou sa, nou manje chè moun ki nan pèp mwen an+,Nou retire po yo sou yo,Nou kraze zo yo, nou fè zo yo fè miyèt moso+,Tankou bagay nou kuit nan chodyè*, tankou vyann ki nan yon chodyè.   Lè sa a, y ap rele Jewova pou yo mande l èd,Men li pap reponn yo.Lè sa a, l ap kache figi l pou yo+Poutèt tout mechanste y ap fè yo+.   Men sa Jewova di konsènan pwofèt ki fè pèp mwen an pèdi wout li+,Pwofèt k ap di: ‘Gen lapè+’ lè yo gen yon bagay pou yo met anba dan yo*+,Men, ki fè moun ki pa ba yo anyen pou yo met nan bouch yo pè lè yo di yo pral gen lagè:   ‘Se fènwa n ap jwenn+, nou pap fè okenn vizyon+.Wi, se fènwa sèlman n ap jwenn, n ap sispann fè divinò.Solèy la ap kouche sou pwofèt yo.Gwo lajounen, l ap fè nwa pou yo+.   Moun k ap fè vizyon yo ap wont+.Tout moun k ap fè divinò yo ap jwenn desepsyon.Yo tout ap oblije kouvri moustach yo*Paske Bondye pa reponn yo.’”   Kanta pou mwen, lespri Jewova fè m gen fòs,Li ede m fè sa ki jis, li fè m gen kranPou m fè desandan Jakòb yo konnen rebelyon yo a e pou m fè moun Izrayèl yo konnen peche yo a.   Tanpri, tande sa, nou menm ki alatèt desandan Jakòb yo,Nou menm k ap dirije nan mitan moun Izrayèl yo+,Nou menm ki pa vle wè sa ki jis, nou menm ki fè tout sa ki dwat parèt kwochi+, 10  Nou menm ki fè anpil san koule pou nou bati Siyon e ki bati Jerizalèm nan fè enjistis+. 11  Chèf* li yo pran kòb anba anba lè y ap fè jijman+,Prèt li yo anseye moun pou lajan*+E pwofèt li yo ap fè divinò pou lajan+.Epoutan, yo konte sou Jewova* e y ap di:“Èske Jewova pa avèk nou+?Pa gen okenn malè k ap tonbe sou nou+.” 12  Enben, akoz nou menm,Y ap vire Siyon tèt anba tankou yon tè yo vire,Jerizalèm ap tounen yon pil dekonm+,E mòn kote Kay la ye a* ap tounen yon rakbwa+.

Nòt anba paj

Oswa: “nan chodyè bouch li men lajè a”.
Oswa: “yon bagay pou yo moulen”.
Oswa: “kouvri bouch yo”.
Lit.: “Tèt”.
Oswa: “pou ajan”.
Oswa: “yo pran pòz yo konte sou Jewova”.
Oswa: “mòn kote tanp lan ye a”.