Al gade sa k anndan l

Ale nan lis ki di sa k anndan l lan

Jozye 12​:​1-24

SA K LADAN L

  • Wa ki pèdi lagè nan lès Rivyè Jouden an (1-6)

  • Wa ki pèdi lagè nan lwès Rivyè Jouden an (7-24)

12  Men wa ki te nan peyi Izrayelit yo te pran yo, peyi yo te pran nan lès Rivyè Jouden an, soti Vale Anon+, monte Mòn Èmon+ ak tout zòn Araba a nan direksyon lès+:  Siyon, wa Amorit yo+, ki te abite Esbon e ki t ap dirije soti depi Awoyè+ ki te arebò Vale Anon+, epi soti depi nan mitan vale a, ak mwatye Galaad rive jis nan Vale Jabòk, ki se fwontyè desandan Amon yo.  Li t ap dirije tou sou Araba rive jis nan Lanmè Kinerèt*+, nan direksyon lès, e rive jis nan Lanmè Araba, sètadi Lanmè Sale*, rive nan lès nan direksyon Bètjechimòt, al nan direksyon sid, anba ti Mòn Pisga yo+.  Epitou, Izrayelit yo te pran tèritwa Òg+, wa Bazan an, ki te youn nan dènye moun ki te rete pami Refayim yo+, ki te abite Astawòt ak Edreyi.  Li t ap dirije sou Mòn Èmon, nan Salka ak nan tout zòn Bazan an+, rive jis nan fwontyè moun Gechou yo ak moun Maakat yo+, ak mwatye Galaad, rive nan tèritwa Siyon, wa Esbon an+.  Moyiz, sèvitè Jewova a, ansanm ak Izrayelit yo te pote laviktwa sou yo+. Apre sa, Moyiz, sèvitè Jewova a, te bay desandan Ribenn yo, desandan Gad yo ak mwatye nan tribi Manase a tèritwa yo te pran yo kòm eritaj+.  Jozye ak Izrayelit yo te pote laviktwa sou wa peyi ki nan lwès Rivyè Jouden an, soti Baalgad+, nan Vale Liban+, rive jis sou Mòn Alak+, ki mennen anwo Seyi+. Apre sa, Jozye te bay tribi Izrayèl yo pòsyon ki te vin pou yo+  nan zòn ki gen mòn yo, nan Chefela, nan Araba, sou ti mòn yo, nan dezè a ak nan Negèb+, sa vle di peyi desandan Èt yo, peyi Amorit yo+, peyi moun Kanaran yo, peyi Perizit yo, peyi Ivit yo ak peyi moun Jebis yo+. Men wa peyi sa yo:   Wa Jeriko a+, wa Ayi a+ ki te abite toupre Betèl, 10  wa Jerizalèm nan, wa Ebwon an+, 11  wa Jamout lan, wa Lakis la, 12  wa Eglon an, wa Gezè a+, 13  wa Debi a+, wa Gedè a, 14  wa Òma a, wa Arad la, 15  wa Libna a+, wa Adoulam nan, 16  wa Makeda a+, wa Betèl la+, 17  wa Tapwa a, wa Efè a, 18  wa Afèk la, wa Lachawon an, 19  wa Madon an, wa Azò a+, 20  wa Chimwonmewon an, wa Akchaf la, 21  wa Tanak la, wa Megido a, 22  wa Kedès la, wa Jokneyam+ ki nan Kamèl la, 23  wa Dò ki sou ti mòn Dò yo+, wa Goyim ki nan Gilgal la 24  ak wa Titsa a. Sa te fè 31 wa antou.

Nòt anba paj

Anpalan de Lak Jenezarèt oswa Lanmè Galile.
Anpalan de Lanmè Mòt.