Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Jeremi 1​:​1-19

SA K LADAN L

  • Bondye nome Jeremi pwofèt (1-10)

  • Vizyon branch zanmann nan (11, 12)

  • Vizyon chodyè a (13-16)

  • Bondye bay Jeremi fòs pou travay li ba l fè a (17-19)

1  Pawòl sa yo se pawòl Jeremi*, pitit gason Ilkya, youn nan prèt ki Anatòt yo+, nan tribi Benjamen an.  Jewova te pale avè l nan epòk Jozyas+, pitit gason Amon+, te wa nan Jida, nan 13yèm ane li te wa a.  Bondye te pale avè l tou nan epòk Jewoyakim+, pitit gason Jozyas, te wa nan Jida, rive nan fen 11yèm ane Sedesyas+, pitit gason Jozyas, te wa nan Jida, rive jis lè Jerizalèm t al ann egzil nan senkyèm mwa a+.  Jewova te pale avè m, li di m:   “Mwen te konnen* w depi anvan m te fè w nan vant manman w+,E mwen te chwazi w* pou yon travay espesyal depi anvan w te fèt*+.Mwen te chwazi w pou w vin yon pwofèt pou nasyon yo.”   Men, mwen te di: “Malerezman, o Jewova, Seyè ki Souvren an,Mwen pa yon moun ki konn pale+, paske, se yon timoun mwen ye+.”   Lè sa a, Jewova di m:“Pinga w di: ‘Se yon timoun mwen ye’.Paske, ou dwe al kot tout moun mwen voye w,E w dwe di yo tout sa m ba w lòd di yo+.   Ou pa bezwen pè yo+,Paske men sa mwen menm, Jewova, mwen di: ‘Mwen avè w pou m ka sove w+.’”  Apre sa, Jewova lonje men l, li touche bouch mwen+. Epi Jewova di m: “Mwen met pawòl mwen nan bouch ou+. 10  Gade, jodi a mwen ba w otorite sou nasyon yo ak wayòm yo, pou w derasinen, pou w lage atè, pou w detwi, pou w kraze brize, pou w bati e pou w plante+.” 11  Apre sa, Jewova pale avè m ankò, li di m: “Jeremi, ki sa w wè?” Mwen di: “Mwen wè yon branch zanmann*.” 12  Apre sa, Jewova di m: “Sa w wè a se sa. Paske, m ap veye pou m fè pawòl mwen reyalize.” 13  Jewova pale avè m yon lòt fwa ankò, li di: “Ki sa w wè?” Mwen di: “Mwen wè yon chodyè* nan direksyon nò ki gen yon bagay k ap bouyi ladan l* e bouch chodyè a panche nan direksyon sid.” 14  Lè sa a, Jewova di m: “Se nan nò malè a ap sotiPou l vin frape tout moun ki nan peyi a+. 15  Paske, men sa Jewova di: ‘M ap rele fanmi ki sot nan wayòm ki nan nò yo+,E y ap vini. Yo chak ap met twòn yoDevan pòtay vil Jerizalèm yo+,Y ap atake tout miray li yo nèt,E y ap atake tout vil Jida yo+. 16  M ap fè konnen sa m deside fè yo poutèt tout mechanste y ap fè yo.Paske, yo vire do ban mwen+,Y ap boule sakrifis* bay lòt dye+,E y ap pwostène devan bagay yo fè ak men yo+.’ 17  Se pou w prepare w pou w aji*,E se pou w kanpe pou w di yo tout sa m ba w lòd di yo.Pinga w pè yo+,Pou se pa mwen menm ki fè w pè devan yo. 18  Paske, jodi a, mwen fè w vin tankou yon vil ki byen pwoteje,Tankou yon poto an fè, tankou miray an kuiv pou w ka kanpe kont tout peyi a+,Kont wa Jida yo ak chèf li yo,Kont prèt li yo ak lòt moun ki abite nan peyi a+. 19  Se sèten y ap opoze avè w,Men, yo pap pote laviktwa sou ou*,Paske ‘mwen avè w+ pou m delivre w’. Se mwen menm, Jewova, ki di sa.”

Nòt anba paj

Petèt, non sa a vle di: “Jewova mete anlè”.
Oswa: “chwazi”.
Oswa: “mwen te mete w apa”.
Lit.: “depi anvan w te soti nan vant”.
Lit.: “Mwen wè youn k ap reveye”.
Oswa: “yon chodyè bouch li men lajè”.
Lit.: “yon chodyè y ap vante”, sa ki montre y ap vante yon dife anba l.
Ann ebre, mo yo itilize a kapab gen rapò ak boule lansan tou.
Lit.: “Se pou w mare ren w”.
Oswa: “yo pap venk ou”.