Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Ezayi 6​:​1-13

SA K LADAN L

  • Vizyon kote Jewova nan tanp li (1-4)

    • ‘Jewova sen, li sen, li sen’ (3)

  • Yo pirifye bouch Ezayi (5-7)

  • Ezayi resevwa yon misyon (8-10)

    • “Men mwen! Voye m!” (8)

  • “Konbyen tan sa ap dire, o Jewova?” (11-13)

6  Nan ane wa Ozyas te mouri a+, mwen te wè Jewova ki chita sou yon gwo twòn byen wo+, e ke wòb long ki te sou li a te plen tanp lan.  Te gen serafen* ki te kanpe toutotou l. Yo chak te gen sis zèl. Yo chak te kouvri figi yo ak de zèl, yo te kouvri pye yo ak de zèl e yo t ap vole ak de zèl.   Youn t ap di lòt byen fò:“Jewova, Chèf lame yo, sen, li sen, li sen+.Glwa l plen tout tè a nèt.”  Bri yo t ap fè a* te fè chanbrann pòt yo tranble, epi kay la te plen lafimen+.   Apre sa, mwen di: “Malè pou mwen!Mwen deja mouri*,Paske se yon moun mwen ye, pawòl ki sot nan bouch mwen pa pwòp,Epi, pawòl ki sot nan bouch pèp m ap viv nan mitan l lan pa pwòp+.Paske mwen wè Wa a menm, Jewova, Chèf lame yo, ak je m!”  Menm kote a, youn nan serafen yo vole vin kote m, e nan men l+, li te gen yon chabon dife tou limen li te pran ak yon pensèt sou lotèl la+.  Li touche bouch mwen avè l e li di: “Gade! Mwen touche bouch ou ak sa a. Ou pa koupab ankò,E Bondye padone peche w.”  Apre sa, mwen tande vwa Jewova ki di: “Kiyès m ap voye, e kiyès ki prale pou nou+?” Lè sa a, mwen reponn: “Men mwen! Voye m+!”   Epi, li di m: “Ale, epi di pèp sa a:‘N ap tande, e n ap tande ankò,Men, nou pap konprann anyen.N ap wè, e n ap wè ankò,Men, nou pap konn anyen+.’ 10  Se pou w fè kè pèp sa a vin di+,Se pou w bouche zòrèy yo+E se pou w fèmen je yoPou yo ka pa wè ak je yoE pou yo ka pa tande ak zòrèy yo,Yon fason pou yo pa konprann anyen,Pou yo pa kase tèt tounen pou yo jwenn gerizon.” 11  Menm kote a, mwen di: “Konbyen tan sa ap dire, o Jewova?” Lè sa a, li di: “Jiskaske vil yo kraze tounen dekonm san okenn moun ladan yo,Jiskaske kay yo pa gen moun ladan yoE jiskaske peyi a fin depafini e pa ret anyen ladan l+, 12  Jiskaske Jewova voye moun yo ale byen lwen+,E jiskaske pifò kote nan peyi a vin tounen yon dezè. 13  “Men, sou chak dis moun ap ret youn, e y ap boule peyi a ankò, tankou yon gwo pyebwa e tankou yon pyebwa ki chaje branch, yon seri pyebwa apre yo fin koupe yo, yo kite yon chouk, e gen yon boujon* ki sakre k ap pouse nan chouk sa a.”

Nòt anba paj

Lit.: “Vwa sa ki t ap rele lòt la”.
Lit.: “Yo fè m fè silans”.
Oswa: “desandans”.