Al gade sa k anndan l

Ale nan lis ki di sa k anndan l lan

Ezayi 58​:​1-14

SA K LADAN L

  • Bon fason moun fè jèn ak move fason yo fè l (1-12)

  • Pran plezi obsève jou saba a (13, 14)

58  Li di m: “Rele byen fò, mezi w kapab.Fè vwa w sonnen tankou yon kòn.Fè pèp mwen an konnen derespektan yo fè a+,Fè desandan Jakòb yo konnen peche yo fè yo.   Yo chèche m chak jou,E yo di yo ta renmen konnen wout mwen yo,Kòmsi yo te yon nasyon ki t ap obeyi kòmandman m yoE ki pa t sispann fè sa ki dwat nan je Bondye yo a+.Yo mande m pou m fè jijman ki jis,Kòmsi yo pran plezi pou yo pwoche bò kote Bondye+.   Yo di: ‘Poukisa w pa wè lè n ap fè jèn*+?E poukisa w pa remake lè nou montre nou* nan lapenn poutèt peche nou fè+?’Paske, nan jou n ap fè jèn yo, se zafè pa nou n ap regle*,E nou toupizi moun k ap travay pou nou yo+.   Se nan diskisyon ak nan batay jèn nou yo fini,E n ap voye gwo kout pwen.Nou pa ka ap fè jèn fason n ap fè jodi a, epi pou n ta fè m tande vwa nou nan syèl la!   Èske se konsa jèn mwen te mande nou fè a ta dwe ye,Tankou yon jou pou yon moun annik montre l* nan lapenn poutèt peche l fè,Pou l bese tèt li menm jan ak yon pye wozo,Pou l kouche sou twal sak ak sann dife?Èske se sa nou rele jèn, jou ki fè Jewova plezi a?   Non. Men jèn ki fè m plezi:Se pou nou retire chenn mechanste yo,Se pou nou lage kòd ki mare jouk la+,Se pou nou bay moun n ap toupizi yo libète+,E se pou nou kase tout jouk fè de bout.   Se pou nou pataje manje nou genyen ak moun ki grangou+,Pou n mennen moun ki malere ak moun ki pa gen kote pou yo rete lakay nou,Pou n bay moun ki pa gen rad la rad pou l mete lè nou wè l+,E pou n pa vire do bay fanmi nou.   Konsa, limyè nou ap klere tankou lè solèy ap leve+,E n ap refè byen vit.Se sa ki dwat k ap devan nou,E glwa Jewova ap dèyè nou pou pwoteje nou*+.   N ap rele, Jewova ap reponn.N ap rele mande sekou, l ap di nou: ‘Men mwen!’Si nou retire jouk yo nan mitan nou,Nou sispann lonje dwèt sou moun* e nou sispann pale moun mal+, 10  Si nou bay moun ki grangou bagay nou menm nou renmen*+,E si nou ede moun y ap fè soufri yo*,Lè sa a, limyè nou ap klere menm nan fènwa,E lannuit ap klere tankou gwo midi pou nou+. 11  Jewova ap toujou gide nou,E l ap ban nou* sa nou bezwen menm nan yon tè ki sèch+,L ap fè zo nou vin solid,E n ap vin tankou yon jaden ki byen wouze+,Tankou yon sous ki pa janm seche. 12  Y ap rebati kote ki te devaste nan tan lontan yo pou nou+,E n ap repare fondasyon ki te kraze depi plizyè jenerasyon yo+.Y ap rele nou moun k ap repare miray ki kraze*+,Moun k ap ranje wout nan zòn pou moun rete yo. 13  Si nou sispann* regle zafè pa nou* nan jou ki apa pou mwen an poutèt se jou saba+,E si nou di jou saba a se yon jou ki bay anpil kè kontan, yon jou ki sakre pou Jewova, yon jou pou moun bay anpil valè+,E si nou ba l valè olye nou regle zafè pa nou e nou ret ap pale pawòl ki pa gen enpòtans, 14  Enben, se grasa mwen menm, Jewova, n ap jwenn tout plezi nou,E m ap fè nou monte kote ki byen wo sou tè a+.M ap fè nou manje nan* eritaj Jakòb, zansèt nou an+,Paske, se Jewova ki di sa ak bouch li.”

Nòt anba paj

Oswa: “montre nanm nou”.
Oswa: “se plezi pa nou n ap chèche”.
Oswa: “montre nanm li”.
Tankou yon gwoup sòlda ki rete pa dèyè yon lame pou pwoteje l.
Petèt se te pou pase moun nan rizib oswa pou akize yo.
Oswa: “bagay nanm nou renmen”.
Oswa: “ede nanm y ap fè soufri yo”.
Oswa: “l ap bay nanm nou”.
Lit.: “repare twou”.
Lit.: “nou rale pye nou pou nou pa”.
Oswa: “sispann fè sa ki fè nou plezi”.
Oswa: “fè nou jwi”.