Al gade sa k anndan l

Ale nan lis ki di sa k anndan l lan

Ezayi 47​:​1-15

SA K LADAN L

  • Babilòn tonbe (1-15)

    • Yo denonse astwològ yo (13-15)

47  Desann, epi vin chita nan pousyè,O vil Babilòn, ou menm fi ki vyèj la+.Chita atè kote ki pa gen twòn+,O pitit fi moun Kalde yo,Paske, moun pap janm di w chèlbè ankò e yo pap janm di w bwòdè ankò.   Pran yon moulen pou w fè farin.Retire vwal ou.Monte ke rad ou, dekouvri janm ou.Janbe rivyè yo.   W ap vin toutouni.E moun ap wè wont ou pran.M ap tire revanj+, e pa gen moun k ap ka kanpe nan wout mwen*.   “Sila a k ap sove nou an,Se Bondye Izrayèl la, Bondye ki sen an.Non l se Jewova, Chèf lame yo+.”   Chita la san fè bri epi al nan fènwa,O pitit fi moun Kalde yo+.Yo pap rele w Mètrès* Wayòm ankò+.   Mwen te vin fache sou pèp mwen an+,Mwen te meprize eritaj mwen an+,E mwen te lage l nan men w+.Men, ou pa t montre mizèrikòd pou yo+.Menm sou moun ki granmoun yo, ou te met yon jouk ki lou+.   Ou te di: “M ap toujou Mètrès* nètale+.”Ou pa t bay bagay sa yo valè.Ou pa t menm chèche konnen ki jan sa t ap fini.   Kounye a, koute sa, ou menm ki renmen plezi+,Ou menm ki chita byen trankil e ki di nan kè w:“Apre m, pa gen lòt+.Mwen pap pèdi mari m.Mwen pap janm pèdi pitit mwen yo+.”   Men, gen de bagay k ap rive w sanzatann, nan yon sèl jou+:W ap pèdi pitit ou yo e w ap pèdi mari w.Malè sa yo ap frape w ak tout fòs+Akoz* pakèt maji ak tout pil wanga ou fè yo+. 10  Ou met konfyans ou nan bagay mal w ap fè yo.Ou di: “Pèsonn pa wè m.”Se sajès ak konesans ou genyen ki fè w pèdi wout ou.Epi, ou di nan kè w: “Apre m, pa gen lòt.” 11  Men, malè ap tonbe sou ou,Okenn nan maji w ap fè yo pap anpeche sa rive*.Malè ap tonbe sou ou. Ou pap ka fè anyen pou w evite sa.W ap kraze bridsoukou, yon bagay ki potko janm rive w+. 12  Ou mèt kontinye fè wanga w yo ak pakèt maji w yo+,Bagay ou t ap redi fè depi lè w te jèn nan.Petèt w a jwenn yon avantaj nan sa,Petèt w a fè moun pè. 13  Ou bouke ak pil moun k ap ba w konsèy yo.Se pou moun sa yo leve kanpe kounye a pou yo sove w,Moun k ap adore bagay ki nan syèl yo*, k ap gade zetwal yo+,Moun ki tann nouvèl lin yoPou yo fè konnen sa ki gen pou rive w. 14  Gade! Yo tankou pay.Gen yon dife ki pral boule yo.Yo pa ka sove tèt yo* anba gwo flanm dife a.Dife sa a se pa chabon dife pou moun chofe kò yo,E se pa yon dife moun ka chita devan l. 15  Se sa moun k ap fè maji lakay ou yo ap ye pou ou,Moun ou t ap redi travay avèk yo depi w jèn nan.Y ap monte desann, yo chak nan wout* pa yo.Pap gen pèsonn pou sove w+.

Nòt anba paj

Se kapab tou: “e mwen pap vin rankontre pèsonn ak bonjan”.
Oswa: “Rèn”.
Oswa: “Rèn”.
Se kapab tou: “Malgre”.
Oswa: “Ou pap konnen ki maji pou w fè pou l fè l ale lwen”.
Se kapab tou: “Moun ki separe syèl la; Astwològ yo”.
Oswa: “sove nanm yo”.
Lit.: “yo chak al nan zòn”.