Al gade sa k anndan l

Ale nan lis ki di sa k anndan l lan

Ezayi 26​:​1-21

SA K LADAN L

  • Yon chante sou konfyans ak delivrans (1-21)

    • Ja, Jewova, Mas Wòch ki la pou toutan an (4)

    • Moun ki abite sou tè a ap aprann sa ki dwat (9)

    • “Moun pa nou ki mouri yo ap vin vivan” (19)

    • Antre nan chanm nou, epi kache (20)

26  Jou sa a, men ki chante y ap chante+ nan peyi Jida+: “Nou gen yon vil ki djanm+.Bondye fè miray li yo ak ranp li yo vin yon delivrans pou li+.   Ouvè pòtay vil yo+ byen laj pou nasyon k ap fè sa ki dwat la ka antre,Pou nasyon ki fidèl la.   W ap pwoteje moun ki konte sou ou nèt yo*.W ap ba yo lapè nètale+,Paske, se nan ou yo met konfyans yo+.   Mete konfyans nou nan Jewova pou toutan+,Paske Ja*, Jewova, se Mas Wòch ki la pou toutan an+.   Li rabese moun ki abite kote ki wo a, nan vil ki kote ki byen wo a.Li desann vil la byen ba,Li bese l jis atè.Li voye l jete atè nan pousyè.   Moun ki malere yo ap pilonnen l anba pye,Wi, moun ki piti yo ap mache sou li.”   Chemen moun ki jis la dwat*.Piske w dwat,W ap fè chemen moun ki jis la vin swa.   O Jewova, kòm n ap mache nan chemen moun k ap fè sa ki dwat yo,Se nan ou nou met espwa nou.Nou* vle sonje w e nou vle sonje non w*.   Lannuit, m ap tann ou ak tout nanm* mwen.Wi, ou toujou nan lespri m+.Paske, lè w ap jije moun sou tè a,Se sa ki dwat moun ki abite nan peyi a ap aprann+. 10  Menmsi yo fè mechan an favè,Li pap aprann fè sa ki dwat+.Menm nan peyi kote moun ap fè sa ki dwat*, se sa ki mal l ap fè+,E li pap wè jan Jewova gran+. 11  O Jewova, ou leve men w, men yo pa wè l+.Y ap wè jan w gen anpil lanmou pou pèp ou a e y ap wont.Wi, dife w la ap kankannen advèsè w yo. 12  O Jewova, w ap fè nou jwenn lapè,+Paske se ou ki ban nou fòsPou nou fè tout sa n ap fè. 13  O Jewova, Bondye nou an, apa ou menm, gen lòt mèt ki t ap dirije nou+,Men, se non w sèlman n ap nonmen+. 14  Yo mouri. Yo pap viv ankò.Piske yo mouri, yo pap leve+.Paske, ou te vire je gade yoPou w elimine yo e pou w fè yo pa pale de yo ankò menm. 15  O Jewova, ou fè nasyon an vin gen anpil moun ladan l.Ou fè nasyon an vin gen anpil moun ladan l.Ou leve tèt ou byen wo+.Ou deplase tout bòn peyi a al met byen lwen+. 16  O Jewova, lè yo nan malè, se ou yo rele.Lè w ba yo disiplin, yo vide kè yo ba ou nan priyè yo fè tou ba+. 17  Menm jan yon fi ansent ki prèske akoucheGen tranche e l ap rele tèlman l ap soufri,Se konsa nou vin ye akoz ou menm, o Jewova. 18  Nou te vin ansent, nou te gen tranche,Men, se kòmsi se van nou te akouche.Nou pa t pot delivrans pou peyi a,E pa gen yon moun ki fè yon pitit pou abite nan peyi a. 19  “Moun pa nou ki mouri yo ap vin vivan.Mò m yo* ap leve+.Se pou nou reveye e se pou n rele tèlman nou kontan,Nou menm ki rete nan pousyè+!Paske, lawouze nou yo tankou lawouze nan maten*,E tè a ap kite moun ki mouri yo vin gen lavi ankò*. 20  Ale, pèp mwen an, antre nan chanm nouEpi, fèmen pòt nou+.Kache pou yon ti tanJiskaske kòlè a* pase+. 21  Paske, gade! Jewova ap sot kote l ye aPou l vin mande moun ki abite nan peyi a regleman pou peche yo fè.Peyi a ap kite yo wè san ki koule ladan l yoE li pap kache moun yo touye yo ankò.”

Nòt anba paj

Se kapab tou: “moun ki dispoze rete djanm yo”.
“Ja” se non Jewova yon fason ki kout.
Oswa: “Chemen moun ki jis la plat”.
Oswa: “Ak tout nanm nou, nou”.
Sa vle di se pou yo sonje ni Bondye ni non l e se pou yo fè moun konnen yo.
Oswa: “onèt”.
Lit.: “Yon kadav ki pou mwen”.
Se kapab tou: “lawouze ki nan zèb yo”.
Oswa: “ap pouse moun ki mouri yo sot anndan l, tankou lè yon fi ap akouche”.
Oswa: “kondanasyon an”.