Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Eklezyas 3​:​1-22

SA K LADAN L

  • Gen yon lè pou tout bagay (1-8)

  • Kè kontan moun jwenn nan lavi a se yon kado Bondye bay (9-15)

    • Lide pou lèzòm viv pou toutan an nan kè yo (11)

  • Bondye jije tout moun avèk jistis (16, 17)

  • Ni moun ni bèt, yo tout ka mouri (18-22)

    • Yo tout ap tounen nan pousyè (20)

3  Gen yon lè pou tout bagay, Yon lè pou chak bagay k ap fèt sou tè a:   Yon lè pou moun fèt ak yon lè pou moun mouri,Yon lè pou moun plante ak yon lè pou moun derasinen sa yo te plante,   Yon lè pou moun touye ak yon lè pou moun geri,Yon lè pou moun kraze ak yon lè pou moun bati,   Yon lè pou moun kriye ak yon lè pou moun ri,Yon lè pou moun rele paske yo nan lapenn ak yon lè pou moun danse*,   Yon lè pou moun voye wòch jete ak yon lè pou moun rasanble wòch,Yon lè pou moun bay akolad ak yon lè pou moun pa bay akolad,   Yon lè pou moun chèche ak yon lè pou moun aksepte pèdi sa l t ap chèche a,Yon lè pou moun kenbe ak yon lè pou moun voye jete,   Yon lè pou moun chire+ ak yon lè pou moun koud,Yon lè pou moun pa di anyen+ ak yon lè pou moun pale+,   Yon lè pou moun renmen ak yon lè pou moun rayi+,Yon lè pou moun fè lagè ak yon lè pou moun fè lapè.  Ki sa yon moun k ap travay ap jwenn pou tout efò l fè+? 10  Mwen wè Bondye bay lèzòm travay pou yo fè yon fason pou yo ka toujou gen yon bagay y ap fè. 11  Li byen fè tout bagay bèl* nan lè yo+. Li menm met lide pou lèzòm viv pou toutan nan kè yo. Epoutan, lèzòm pap janm rive konnen tout travay vrè Dye a fè depi nan kòmansman rive nan fen. 12  Mwen rive konprann sa ki pi bon pou yo se pou yo gen kè kontan e se pou yo fè sa ki byen pandan tout lavi yo+. 13  Epitou, se pou tout moun manje, se pou yo bwè e se pou yo gen kè kontan pou tout travay di yo fè. Se kado Bondye bay+. 14  Mwen vin konprann tout sa vrè Dye a fè ap la pou toutan. Pa gen anyen yo ka ajoute sou yo e pa gen anyen yo ka retire nan yo. Vrè Dye a fè bagay yo konsa, yon fason pou moun gen lakrentif pou li+. 15  Tout sa k rive te rive deja, e sa k pral vini an te deja la+. Men, vrè Dye a ap chèche sa ki bon pou moun y ap pèsekite yo*. 16  Men sa mwen wè ankò sou tè a: Kote ki ta dwe gen jistis, se mechanste ki genyen, e kote ki ta dwe gen sa ki dwat, se sa ki mal ki genyen+. 17  Se sa k fè mwen te di nan kè m: “Vrè Dye a ap jije ni moun ki dwat ni moun ki mechan+, paske gen yon lè pou chak aktivite ak chak aksyon.” 18  Epitou, mwen te di nan kè m vrè Dye a ap teste moun li fè yo e l ap montre yo yo menm jan ak bèt. 19  Paske, bagay ki rive moun rive bèt tou. Menm bagay la rive yo tout+. Menm jan bèt mouri, se konsa moun mouri, e yo tout gen yon sèl lespri+. Se sa k fè moun pa gen plis valè pase bèt, paske anyen pa vo anyen. 20  Yo tout pral menm kote+. Yo tout soti nan pousyè+ e yo tout ap tounen nan pousyè+. 21  Kiyès ki vrèman konnen si se anwo lespri moun monte oswa si se nan tè a lespri bèt desann+? 22  Epi, sa mwen wè ki pi bon pou yon moun, se pou l gen kè kontan nan travay li+, piske sa a se rekonpans li*. Paske kiyès ki ka ede l wè sa k pral rive apre l fin mouri+?

Nòt anba paj

Lit.: “ponpe; vole anlè”.
Oswa: “kòrèk; byen ranje”.
Oswa: “pou moun ki mouri yo”.
Oswa: “se sa ki pou li”.