Al gade sa k anndan l

Ale nan lis ki di sa k anndan l lan

Eklezyas 1​:​1-18

SA K LADAN L

  • Anyen pa vo anyen (1-11)

    • Tè a ap ret la pou toutan (4)

    • Aktivite ki gen nan lanati yo kontinye ap fèt (5-7)

    • Pa gen anyen ki nouvo anba solèy la (9)

  • Sajès lèzòm gen limit (12-18)

    • Se dèyè van moun ap kouri (14)

1  Men pawòl anseyan an*+, pitit gason David la, wa Jerizalèm nan+, te di yo.   Anseyan an di: “Pi gwo vanite a*,Wi, pi gwo vanite a, sèke tout bagay se vanite*+!”   Ki sa yon moun jwenn pou tout travay di li fèLè l redi travay anba solèy la+?   Yon jenerasyon ale, yon jenerasyon vini,Men, tè a ret la* pou toutan+.   Solèy leve*, solèy kouche,Apre sa, li kouri tounen* kote l pral leve a ankò+.   Van an ale nan sid e li vire tounen nan nò.Li kontinye vire tou won san rete. Van an kontinye fè wonn li gen pou l fè yo.   Tout dlo* desann al nan lanmè. Epoutan, lanmè a pa plen+.Kote dlo yo soti a, se la yo retounen pou yo desann ankò+.   Tout bagay rann moun about.Pa gen moun ki ka menm fin pale de yo.Je pa bouke gade,Zòrèy pa bouke tande.   Sa k te la, se sa k ap la,E sa k te deja fèt, se sa k ap fèt ankò.Pa gen anyen ki nouvo anba solèy la+. 10  Èske gen yon bagay yon moun ka di: “Gade! Sa a fèk parèt”?Li te deja la depi byen lontan.Li te deja la depi anvan epòk nou an. 11  Pa gen yon moun ki sonje moun ki te la lontan yo,E pa gen yon moun k ap sonje moun k ap vin apre yo,Menm moun k ap vin apre moun sa yo pap sonje yo+. 12  Mwen menm, anseyan an, mwen se wa peyi Izrayèl, nan Jerizalèm+. 13  Mwen te deside sèvi ak sajès+ pou m egzamine tout bagay ki sou tè a+, tout travay ki bay lapenn Bondye bay lèzòm fè pou yo toujou gen yon bagay y ap fè, e pou m chèche konprann yo. 14  Mwen te wè tout travay ki t ap fèt anba solèy la.Epi gade! Tout bagay sa yo se vanite, se kòmsi se dèyè van moun ap kouri+. 15  Sa ki kwochi pa ka vin dwat,E yo pa ka rive konte sa k pa la. 16  Epi, mwen te di nan kè m: “Gade! Mwen vin gen anpil sajès. Mwen gen plis sajès pase tout moun ki te nan Jerizalèm+ anvan m yo, e mwen te vin bay sajès ak konesans anpil valè+.” 17  Mwen te fè anpil efò pou m konn sa sajès ye, pou m konn sa bagay moun fou* ye+, e pou m konn sa bagay moun sòt ye. Menm sa a tou se kòmsi se dèyè van mwen t ap kouri. 18  Paske anpil sajès bay anpil tètchaje,Konsa, plis yon moun vin gen konesans se plis li soufri+.

Nòt anba paj

Oswa: “pawòl moun k ap rasanble moun nan”.
Oswa: “Sa k pi pa vo anyen an”.
Oswa: “sèke tout bagay pa vo anyen; sèke tout bagay ap pase”.
Lit.: “kanpe”.
Oswa: “klere”.
Oswa: “li tounen tou bouke”.
Oswa: “dlo nan sezon livè yo; dlo yo nan epòk yo”.
Oswa: “bagay moun sòt nèt”.