Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Ebre 5​:​1-14

SA K LADAN L

  • Jezi siperyè moun ki te gran prèt yo (1-10)

    • Menm jan ak Mèlkisedèk (6, 10)

    • Li te aprann obeyisans nan bagay li te sibi yo (8)

    • Li fè moun jwenn delivrans pou toutan (9)

  • Avètisman pou moun ki pa gen matirite yo (11-14)

5  Paske, chak gran prèt yo pran pami lèzòm, yo mete l pou l fè sèvis Bondye an favè lèzòm+, pou l ka fè ofrann e pou l ka fè sakrifis pou peche+.  Li kapab aji avèk konpasyon* ak moun ki pa konnen ansanm ak moun ki fè erè*, etandone li menm tou li gen* pwòp feblès pa l.  Akoz feblès sa yo, li oblije fè ofrann pou peche pa l, menm jan l fè ofrann pou peche pèp la+.  Yon moun pa ka bay tèt li onè sa a, men li resevwa l sèlman lè Bondye rele l, menm jan l te fè sa pou Arawon+.  Se konsa tou, se pa Kris ki te bay tèt li glwa+ lè l te vin gran prèt, men li te resevwa glwa nan men Sila a ki te di l: “Ou se pitit gason m. Jodi a, mwen vin papa w+.”  Men sa li te di yon lòt kote: “Ou se prèt pou toutan, menm jan ak Mèlkisedèk+.”  Pandan Kris t ap viv sou tè a*, se avèk gwo rèl ak dlo nan je li te fè siplikasyon ansanm ak demann+ nan pye Sila a ki te ka sove l anba lanmò a. E Bondye te tande l, paske li te gen lakrentif pou Li.  Aktout li te yon pitit Li, li te aprann obeyisans nan bagay li te sibi yo+.  E lè l fin konplè nèt+, li vin pèmèt tout moun ki obeyi l jwenn delivrans pou toutan+, 10  paske Bondye te rele l pou l vin gran prèt, menm jan ak Mèlkisedèk+. 11  Nou gen anpil bagay pou nou di konsènan li menm, e li difisil pou nou esplike yo, paske nou vin mal pou nou konprann*. 12  Alòske kounye a* se anseyan nou ta dwe ye, yon lòt fwa ankò nou bezwen pou yon moun anseye nou bagay de baz+ ki gen nan deklarasyon sakre Bondye yo, depi nan kòmansman, e nou vin retounen bezwen lèt ankò, olye nou bezwen gwo manje. 13  Paske, tout moun ki rete nan bwè lèt pa konn pawòl ki ann amoni ak sa ki jis, paske yo se timoun piti+. 14  Men, gwo manje se pou moun ki gen matirite, pou moun ki rive fè diferans ant sa ki byen ak sa ki mal paske yo antrene kapasite yo genyen pou yo konprann nan afòs yo sèvi avè l.

Nòt anba paj

Oswa: “avèk jantiyès; avèk moderasyon”.
Oswa: “ak moun ki deregle”.
Oswa: “li soumèt anba”.
Lit.: “te nan jou lachè li yo”.
Oswa: “nou vin tande di”.
Lit.: “Lè nou konsidere tan an”.