Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Sòm 9​:​1-20

SA K LADAN L

  • Fè konnen bagay estrawòdinè Bondye fè

    • Jewova se yon refij (9)

    • Konnen non Bondye vle di gen konfyans nan li (10)

Pou moun k ap dirije mizisyen yo. Pou yo jwe sou moutlabenn*. Yon chante David te ekri. א [Alèf] 9  O Jewova, m ap fè louwanj pou ou ak tout kè m,M ap pale de tout bagay estrawòdinè ou fè yo+.   M ap kontan e m ap rejwi anpil akoz ou menm,M ap chante louwanj* pou non w, ou menm Sila a ki nan pi gwo pozisyon an+. ב [Bèt]   Lè ènmi m yo fè bak+,Y ap bite e y ap peri devan w   Paske w ap defann kòz mwen ki jisPandan w chita sou twòn ou an kote w ap jije avèk jistis la+. ג [Gimèl]   Ou reprimande nasyon+ e w detwi mechan yo.Ou efase non yo pou tout tan gen tan.   Ou detwi ènmi an pou toutan.Ou derasinen vil yo,Pèsonn pap sonje yo+. ה [He]   Men, Jewova sou twòn nan pou toutan+,Li mete twòn li an chita byen djanm pou l bay jistis+.   L ap jije tè a* e l ap bay jistis+.L ap pran bon desizyon pou nasyon yo selon lalwa+. ו [Waw]   Jewova ap vin yon refij* pou moun y ap maltrete yo+,L ap yon refij pou yo nan moman difisil yo+. 10  Moun ki konn non w ap met konfyans yo nan ou+.Ou pap janm abandone moun k ap chèche w yo, o Jewova+. ז [Zayin] 11  Chante louwanj pou Jewova ki abite nan Siyon.Fè pèp yo konnen aksyon l fè yo+. 12  Paske, Sila a k ap tire revanj pou san yo a ap sonje yo+.Li pap janm bliye moun k ap soufri e k ap kriye yo+. ח [Hèt] 13  Fè m favè, o Jewova, gade ki jan moun ki rayi m yo ap toupizi m,Ou menm ki leve m devan pòtay lanmò+. 14  Lè sa a, m ap fè konnen bèl aksyon w fè yo nan pòtay vil Siyon an*+E m ap kontan anpil poutèt ou sove m+. ט [Tèt] 15  Nasyon yo tonbe nan twou yo te fouye a.Pye yo pran nan filè yo te tann nan+. 16  Se santans Jewova egzekite yo ki fè yo konnen l+.Se sa mechan an fè ak pwòp men l ki tounen yon pyèj pou li+.Igayon*. (Sela) י [Yòd] 17  Mechan yo pral nan Tonm*,Se la tout nasyon ki bliye Bondye yo prale. 18  Men, yo pap toujou bliye pòv la+,E espwa moun ki gen imilite yo genyen an pa pou granmesi+. כ [Kaf] 19  O Jewova, leve kanpe! Pa kite lòm pote laviktwa.Se pou jijman nasyon yo fèt devan w+. 20  Fè yo pè, o Jewova+,Fè nasyon yo konnen se moun yo ye. (Sela)

Nòt anba paj

Oswa: “M ap fè mizik”.
Oswa: “tè ki bay rannman an”.
Oswa: “yon kote ki wo ki gen sekirite”.
Lit.: “pitit fi Siyon an”.
Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.