Al gade sa k anndan l

Ale nan lis ki di sa k anndan l lan

Sòm 76​:​1-12

SA K LADAN L

  • Bondye pot laviktwa sou ènmi Siyon yo

    • Bondye sove malere yo (9)

    • L ap imilye ènmi yo ki awogan (12)

Pou moun k ap dirije mizisyen yo. Se ak enstriman akòd pou yo akonpaye chante sa a. Yon chante Asaf te ekri+. Yon melodi. 76  Moun Jida yo konn Bondye+,Moun nan peyi Izrayèl yo konn non l byen+.  Se nan Salèm abri l la ye+,Se nan Siyon kay li a ye+.   Se la li te kase flèch ki te tou limen yoE li te kraze boukliye yo, epe yo ak lòt zam pou fè lagè yo+. (Sela)   O Bondye, ou klere anpil*,Ou pi estrawòdinè pase mòn ki gen jibye yo.   Moun ki ranpòte laviktwa yo pran tout sa gason vanyan yo te genyen+.Sòlda sa yo ap dòmi kounye a,Yo youn pa t gen fòs pou yo goumen+.   Ou annik fè yon sèl bri sou yo, o Bondye Jakòb la,E dòmi pran ni moun k ap kondui charyo yo ni cheval yo+.   Se ou menm sèl ki fè moun gen gwo respè pou ou+.Kiyès ki ka ret kanpe devan w lè w an kòlè anpil+?   Detan w nan syèl la, ou jije yo+.Tout moun ki sou tè a te pè, yo te ret bouch be+   Lè Bondye te leve kanpe pou l egzekite jijman lE pou l sove malere ki sou tè a+. (Sela) 10  Lè lèzòm an kòlè, sa sèvi pou ba w louwanj+.Ou ka menm sèvi ak dènye aksyon yo fè pandan yo an kòlè a pou w bay tèt ou glwa. 11  Lè nou fè Jewova, Bondye nou an, pwomès, se pou nou kenbe yo+.Se pou tout moun k ap viv ozalantou l yo pote kado pou li nan lakrentif+. 12  L ap kraze ògèy* dirijan yo.Li fè wa ki sou tè a gen lakrentif pou li.

Nòt anba paj

Oswa: “limyè vlope w”.
Lit.: “lespri”.