Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Sòm 74​:​1-23

SA K LADAN L

  • Yon priyè pou mande Bondye sonje pèp li a

    • Aksyon Bondye te fè pou l bay delivrans (12-17)

    • “Pa bliye jan ènmi an kontinye pwovoke w” (18)

Yon maskil*. Se Asaf ki te ekri l+. 74  O Bondye, poukisa w lage nou nèt konsa+?Poukisa w an kòlè kont mouton ki nan patiraj ou yo+?   Sonje pèp* ki te vin byen pa w depi byen lontan an+,Pèp ou te sove pou l vin eritaj pa w la+.Sonje Mòn Siyon, kote w te rete a+.   Mache al wè kote yo fin ravaje nèt la+.Ènmi an detwi tout bagay nan kote ki sakre a+.   Ènmi w yo te antre kote pèp ou a konn reyini an, yo t ap rele byen fò+.Yo mete bànyè yo kòm siy anndan l.   Yo te tankou moun k ap voye kout rach nan yon forè ki gen anpil pyebwa.   Yo kraze mi yo ki te gen desen grave ladan yo+ ak kout rach e ak baton fè.   Yo met dife nan tanp ou an+.Yo derespekte tanp ki pote non w lan, yo mete l plat atè.   Men sa yo menm ak desandan yo di nan kè yo:“N ap boule tout kote nan peyi a pèp la konn reyini pou yo adore Bondye.”   Nou pa wè okenn siy.Pa gen okenn pwofèt ankò,Pa gen okenn nan nou ki konnen konbyen tan sa ap dire. 10  O Bondye, pandan konbyen tan advèsè a ap kontinye pwovoke w+?Èske se pou toutan ènmi an ap kontinye montre li pa gen respè pou non w+? 11  Poukisa w pa sèvi ak men dwat ou pou w aji+?Rale men w sot nan rad ou pou w fè yon fen ak yo. 12  Bondye se Wa pa m depi lontan,Se li menm k ap fè aksyon sou tè a pou l bay delivrans+. 13  Ou te fann lanmè a ak fòs ou+,Ou te kraze tèt gwo bèt ki nan dlo yo. 14  Ou te kraze tèt Levyatan*.Ou te bay pèp la li pou l manje, wi, moun ki abite nan dezè yo. 15  Ou te ouvè pasaj pou sous yo ak rivyè yo pase+.Ou te seche rivyè ki toujou gen dlo k ap koule ladan yo+. 16  Se ou menm ki fè lajounen e ki fè lannuit.Se ou menm ki fè limyè e ki fè solèy la+. 17  Se ou ki fikse limit tout bagay ki gen sou tè a+.Ou fè sezon chalè, ou fè sezon fredi+. 18  Pa bliye jan ènmi an kontinye pwovoke w, o Jewova,Jan yon pakèt moun sòt ap derespekte non w+. 19  Pa kite toutrèl ou a pèdi lavi l* anba men bèt sovaj yo.Pa bliye pèp ou a nèt nan soufrans li yo. 20  Sonje alyans ou te fè avèk nou an,Paske kote sou tè a ki nan fènwa yo vin chaje ak vyolans. 21  Pa kite moun y ap toupizi yo wont+.Se pou malere a ak pòv la louwe non w+. 22  Leve kanpe, o Bondye, defann kòz ou.Sonje jan moun ki sòt yo ap pwovoke w tout lajounen+. 23  Pa bliye sa ènmi w yo ap di yo.Bri moun k ap pwovoke w yo ap fè yo pa sispann monte nan syèl la.

Nòt anba paj

Lit.: “asanble”.
Oswa: “pèdi nanm li”.