Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Sòm 65​:​1-13

SA K LADAN L

  • Bondye pran swen tè a

    • “Ou menm ki tande lapriyè” (2)

    • “Byennere moun ou chwazi a” (4)

    • Bondye gen anpil bonte (11)

Pou moun k ap dirije mizisyen yo. Yon chante David te ekri. Yon melodi. 65  Yo gen pou yo fè louwanj pou ou nan Siyon, o Bondye+.N ap respekte pwomès nou te fè w yo+.   O ou menm ki tande lapriyè, tout kalite moun* gen pou yo vin devan w+.   Erè m yo twòp pou m sipòte+.Men, ou pase sou sa nou fè ki mal yo+.   Byennere moun ou chwazi a, moun ou fè pwoche kote wPou l ka abite nan lakou w yo+.L ap satisfè ak bon bagay li jwenn nan kay ou a+,Tanp ou an ki sakre+.   W ap reponn nou lè w fè gwo aksyon+ k ap montre jan w jis,O Bondye delivrans nou an.Se nan ou menm moun ki nan dènye bout tè a+Ak moun ki nan zile ki byen lwen yo met konfyans yo.   Ou* fè mòn yo chita byen djanm grasa pisans ou.Ou* gen anpil fòs+.   Ou* kalme lanmè a lè l dechennen+,Ou kalme vag yo k ap fè bri e w kalme nasyon yo lè yo an boulvès+.   Moun ki rete nan zòn ki byen lwen ap sezi lè yo wè siy ou yo+.W ap fè moun ki rete depi sou bò solèy leve rive sou bò solèy kouche rele byen fò ak kè kontan.   Ou pran swen tè a,Ou fè l pwodui anpil*, ou fè l gra anpil+,Ou plen rivyè yo ak dlo,Ou bay lèzòm manje angren+.Se konsa w te fè tè a pou l ye. 10  Ou vide dlo nan siyon l yo e ou nivle tè yo vire a,Ou fè lapli tonbe sou li pou l ka vin mou, ou beni bagay ki pouse sou li yo+. 11  Ou vide benediksyon sou ane a, se kòmsi w mete yon kouwòn sou li.Sou wout ou yo gen anpil bon bagay*+. 12  Patiraj ki nan savann yo kontinye jwenn dlo+E lajwa anvayi tout ti mòn yo+. 13  Patiraj yo chaje ak twoupo bèt,Vale yo kouvri ak manje angren+.Y ap rele, y ap fè fèt, wi, y ap chante+.

Nòt anba paj

Lit.: “tout chè”.
Lit.: “Li”.
Lit.: “Li”.
Lit.: “Li”.
Lit.: “fè l ranvèse”.
Lit.: “gen grès k ap degoute”.