Al gade sa k anndan l

Ale nan lis ki di sa k anndan l lan

Sòm 6​:​1-10

SA K LADAN L

  • Yon priyè pou mande favè

    • Moun mouri pa ka fè louwanj pou Bondye (5)

    • Bondye tande demann moun fè l pou l fè yo favè (9)

Pou moun k ap dirije mizisyen yo. Se pou yo akonpaye chante sa a ak enstriman akòd ki akòde sou cheminit*. Yon chante David te ekri. 6  O Jewova, pa korije m pandan w fache,Pa korije m pandan w an kòlè+.   Fè m favè*, o Jewova, paske m ap febli.Geri m, o Jewova+, paske tout zo nan kò m ap tranble.   Vrèmanvre, mwen* boulvèse anpil+,E men sa m ap mande w, o Jewova: Pandan konbyen tan ankò m ap kontinye soufri+?   O Jewova, tounen vin delivre m*+.Sove m, paske w gen yon lanmou ki fidèl+.   Moun ki mouri pa ka pale de* ou.Èske moun ki nan Tonm* yo ka fè louwanj pou ou+?   Mwen fatige tèlman m ap plenn+.Lannuit, mwen mouye kabann mwen ak dlo nan je m*,Mwen benyen kabann mwen nèt tèlman m kriye+.   Je m febli tèlman m ap soufri+,Je m pa wè byen* akoz tout moun sa yo k ap ban m pwoblèm.   Retire kò nou sou mwen, nou tout k ap fè mechanste.Paske, Jewova ap tande m lè m ap kriye+.   Jewova ap tande demann mwen fè l pou l fè m favè+,Jewova ap aksepte priyè m nan. 10  Tout ènmi m yo ap wont, y ap pè,Y ap fè bak akoz lawont ap tonbe sou yo bridsoukou+.

Nòt anba paj

Oswa: “Gen pitye pou mwen”.
Oswa: “nanm mwen”.
Oswa: “delivre nanm mwen”.
Oswa: “pa ka sonje”.
Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
Lit.: “mwen fè kabann mwen naje”.
Oswa: “Je m fin granmoun”.