Al gade sa k anndan l

Ale nan lis ki di sa k anndan l lan

Sòm 38​:​1-22

SA K LADAN L

  • Priyè yon moun ki repanti k ap soufri

    • “Mwen nan lapenn e mwen kagou anpil” (6)

    • Jewova tande moun k ap tann li yo (15)

    • “Peche m nan t ap boulvèse m anpil” (18)

Yon chante David te ekri kòm rapèl. 38  O Jewova, pa reprimande m pandan w fache,Pa korije m pandan w an kòlè+.   Paske flèch ou yo antre byen fon nan mwen,E men w ap peze m desann+.   Mwen malad nan tout kò m* paske w fache anpil.Mwen pa santi m anpè menm akoz peche m fè a+.   Peche m yo monte pi wo pase tèt mwen+.Yo tankou yon chay ki lou, yo twòp pou m pote.   Kote m blese yo santi e yo anvlimenAkoz mwen te aji tankou moun sòt.   Mwen nan lapenn e mwen kagou anpil,Tout lajounen m ap mache tou tris.   Mwen santi anndan m ap boule m*.Mwen malad nan tout kò m+.   Tout kò m vin angoudi, mwen kraze nèt.Tristès ki nan kè m fè m ap plenn byen fò*.   O Jewova, ou konn tout sa m ta renmen,Ou wè jan m ap plenn. 10  Kè m ap bat fò, mwen pèdi fòs,M pa wè byen nan je m ankò+. 11  Maladi m nan fè zanmi m yo kouri pou mwen,Bon zanmi m yo rete lwen m. 12  Moun k ap chèche touye m* yo tann pyèj pou mwen,Moun k ap chèche fè m mal yo ap pale m mal+,Tout lajounen y ap fè konplo pou yo twonpe m. 13  Men, tankou yon moun ki soud, mwen pa tande+,Tankou yon moun ki bèbè, mwen pa ouvè bouch mwen+. 14  Mwen vin tankou yon moun ki pa ka tande,Ki pa konn sa pou l di pou l defann tèt li. 15  Se ou menm mwen te tann, o Jewova+,E w te reponn mwen, o Jewova, Bondye m nan+. 16  Mwen te di: “Pinga yo bat plezi sou mwen,Ni pinga yo monte kòlèt yo sou mwen si pye m chape.” 17  Paske, mwen te prèske tonbeE m te toujou ap soufri+. 18  Mwen te konfese peche m te fè a+.Peche m nan t ap boulvèse m anpil+. 19  Ènmi m yo se moun ki vanyan* e ki gen anpil fòs*.Moun ki rayi m san rezon yo anpil. 20  Yo te rann mwen mal pou byen.Yo te opoze avè m poutèt mwen t ap chèche fè sa ki byen. 21  O Jewova, pa abandone m,O Bondye m nan, pa rete lwen m+. 22  Tanpri, fè vit vin ede m,O Jewova, sovè m nan+.

Nòt anba paj

Lit.: “Pa gen yon kote nan chè m ki bon”.
Lit.: “Ren m ap boule m anpil”.
Oswa: “fè m ap rele”.
Oswa: “chèche nanm mwen”.
Lit.: “vivan”.
Se kapab tou: “Moun ki ènmi m san rezon yo anpil”.