Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Sòm 33​:​1-22

SA K LADAN L

  • Louwanj pou Kreyatè a

    • “Chante yon nouvo chante pou li” (3)

    • Kreyasyon an egziste grasa pawòl Jewova ak lespri l (6)

    • Pèp Jewova a byennere (12)

    • Je Jewova ap gade nou (18)

33  Nou menm ki jis, se pou nou rele byen fò ak kè kontan pou tout sa Jewova fè+.Li bon pou moun ki dwat yo fè louwanj pou li.   Jwe ti hap* la pou nou remèsye Jewova.Jwe gwo hap la pandan n ap chante louwanj* pou li.   Chante yon nouvo chante pou li+.Jwe enstriman akòd yo byen pandan n ap rele byen fò ak kè kontan.   Paske, pawòl Jewova se laverite+.Tout sa l fè yo montre nou ka fè l konfyans.   Li renmen ladwati e li renmen jistis+.Tè a chaje ak bagay ki montre lanmou fidèl Jewova genyen+.   Se grasa pawòl Jewova syèl la te fèt+,Se grasa souf* bouch li tout bagay ki ladan l yo* te fèt.   Li rasanble dlo lanmè a tankou l te mete yon baraj+,Li mete dlo lanmè a nan rezèvwa.   Se pou tout tè a gen lakrentif pou Jewova+.Se pou moun ki abite sou tè a gen gwo respè pou li.   Paske, li te pale e bagay yo te vin egziste+.Li te bay lòd e tout bagay vin kanpe fèm+. 10  Jewova dejwe konplo* nasyon yo+.Li kontrarye plan* pèp yo+. 11  Desizyon* Jewova yo ap dire pou toutan+,Panse ki nan kè l yo ap la jenerasyon apre jenerasyon. 12  Byennere nasyon ki gen Jewova kòm Bondye l la+,Byennere pèp li chwazi kòm byen pa l la+. 13  Jewova ap gade anba detan l nan syèl la,Li wè tout moun+. 14  Detan l kote l rete a,L ap gade moun ki abite sou tè a. 15  Se li menm ki bay kè tout moun fòm tankou veso ki fèt an tè,Li egzamine tout sa yo fè+. 16  Okenn wa pa ka sove tèt li ak yon gwo lame+.Yon gason vanyan pa ka sove tèt li ak pwòp fòs li+. 17  Pa konte sou cheval pou w jwenn delivrans*, w ap twonpe tèt ou+.Byenke yo gen fòs, sa pa garanti w ap chape. 18  Tande! Je Jewova ap gade moun ki gen lakrentif pou li+,Moun ki konte sou lanmou fidèl li genyen an, 19  Pou l delivre yo* anba lanmòE pou l sove lavi yo lè gen grangou+. 20  Se Jewova n* ap tann.Li se sovè nou e li se boukliye nou+. 21  Se li ki fè kè n kontan,Paske nou met konfyans nou nan non l ki sen+. 22  Se pou w kontinye demontre lanmou fidèl ou genyen an pou nou, o Jewova+,Paske se ou menm nou kontinye ap tann+.

Nòt anba paj

Oswa: “n ap fè mizik”.
Oswa: “lespri”.
Lit.: “tout lame l yo”.
Oswa: “konsèy”.
Oswa: “panse”.
Oswa: “Konsèy”.
Oswa: “pou w pot laviktwa”.
Oswa: “delivre nanm yo”.
Oswa: “nanm nou”.