Al gade sa k anndan l

Ale nan lis ki di sa k anndan l lan

Sòm 31​:​1-24

SA K LADAN L

  • Pran refij nan Jewova

    • “Mwen remèt lespri m nan men w” (5)

    • “Jewova, Bondye verite a” (5)

    • Bondye gen anpil bonte (19)

Pou moun k ap dirije mizisyen yo. Yon chante David te ekri. 31  O Jewova, se nan ou mwen pran refij+.Pa kite lawont tonbe sou mwen+.Sove m, paske ou jis+.   Panche zòrèy ou* pou w koute m.Fè vit vin sove m+.Se pou w vin tankou yon fòtrès ki sou yon mòn pou mwen,Tankou yon kote ki byen pwoteje pou w ka sove m+.   Paske ou se mas wòch mwen, fòtrès mwen+.W ap gide m e w ap dirije m+ poutèt non w+.   W ap retire m nan filè yo tann an kachèt pou mwen an+Paske ou se fòtrès mwen+.   Mwen remèt lespri m nan men w+.Ou delivre m, o Jewova, Bondye verite a*+.   Mwen rayi moun k ap sèvi zidòl yo ki pa gen valè e ki se vanite.Men, kanta pou mwen, mwen met konfyans mwen nan Jewova.   M ap kontan anpil akoz lanmou fidèl ou genyen an,Ou wè soufrans mwen yo+.Ou konnen jan m nan gwo* pwoblèm.   Ou pa lage m nan men ènmi an,Men ou mete m yon kote ki an sekirite*.   O Jewova, fè m favè. Paske, mwen nan gwo pwoblèm.Soufrans yo fè je m ak tout kò m febli*+. 10  Soufrans ap fini ak lavi m+,M tèlman ap plenn, sa fini ak ane m ap viv yo+.Fòs mwen ap bese poutèt peche m nan,Zo nan kò m ap febli+. 11  Tout ènmi m yo meprize m+,Sitou vwazen m yo.Tout moun ki konnen m yo pè m.Lè yo wè m an piblik, yo kouri pou mwen+. 12  Yo retire m nan kè* yo e yo bliye m, kòmsi m te gentan mouri.Mwen tankou yon krich ki kraze. 13  Paske, mwen tande jan anpil moun ap pale m mal.Laperèz anvayi m+.Lè yo rasanble ansanm pou yo fè yon sèl kont mwen,Yo fè plan pou yo pran lavi m*+. 14  Men, mwen gen konfyans nan ou, o Jewova+.Mwen di: “Se ou menm ki Bondye m+.” 15  Lavi* m nan men w.Sove m anba men ènmi m yo, anba men moun k ap pèsekite m yo+. 16  Fè sèvitè w la favè+.Sove m akoz lanmou fidèl ou genyen an. 17  O Jewova, pa kite lawont tonbe sou mwen lè m rele w+.Se mechan yo ki pou wont+.Se pou yo fèmen bouch yo nan Tonm nan*+. 18  Se pou bouch k ap bay manti yo pe+,Bouch k ap pale kont moun ki dwat yo avèk awogans ak ògèy e ki montre yo san respè. 19  Se pa ti bon w bon+!Ou sere bonte w pou moun ki gen lakrentif pou ou yo+,Ou montre bonte w devan tout moun, e w fè sa pou moun ki pran refij nan ou yo+. 20  W ap pwoteje moun sa yo nan kachèt ki bò kote w la+Pou yo pa pran nan konplo moun ap fè sou yo,W ap kache yo nan tant ou aPou w pwoteje yo anba move atak*+. 21  Se pou Jewova resevwa louwanj,Paske li te demontre yon lanmou ki fidèl pou mwen+ yon fason estrawòdinè pandan m te nan yon vil yo te ansèkle+. 22  Kanta pou mwen, mwen te panike e m te di:“M ap peri devan w+.”Men, ou te tande m lè m t ap sipliye w pou m mande w sekou, lè m t ap kriye nan pye w la+. 23  Nou tout ki fidèl ak Jewova, se pou nou renmen l+!Jewova pwoteje moun ki fidèl yo+,Men li fè moun ki ògeye yo peye chè pou ògèy yo genyen an+. 24  Nou tout k ap ret tann Jewova+,Se pou nou met kouraj sou nou e se pou kè nou rete fèm+!

Nòt anba paj

Oswa: “Bese”.
Oswa: “Bondye fidèl la”.
Oswa: “jan nanm mwen nan”.
Oswa: “ki gen anpil espas”.
Oswa: “ak nanm mwen febli e yo fè vant mwen fè m mal”.
Oswa: “lespri”.
Oswa: “pran nanm mwen”.
Lit.: “Tan”.
Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
Lit.: “anba lang k ap fè kont yo”.