Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Sòm 143​:​1-12

SA K LADAN L

  • Tann Bondye tankou tè sèk k ap tann lapli

    • ‘Mwen reflechi sou tout sa w fè yo’ (5)

    • “Aprann mwen ki jan pou m fè volonte w” (10)

    • ‘Lespri w bon, se pou l gide m’ (10)

Yon chante David te ekri. 143  O Jewova, koute priyè m+,Koute m lè m ap sipliye w pou m mande w sekou.Reponn mwen, paske ou fidèl e ou jis.   Pa rele sèvitè w la lajistis,Paske pa gen yon moun ki vivan ki ka jis devan w+.   Paske, ènmi an ap pousuiv mwen*.Li pilonnen m atè a.Li fè m abite nan fènwa menm jan ak moun ki mouri depi lontan.   Mwen dekouraje+,Mwen pa gen fòs menm+.   Mwen sonje tan lontan,Mwen medite sou* tout sa w fè+,Mwen kontan lè m ap reflechi sou tout sa w fè yo.   Mwen leve men m devan w pou m priye w.M* ap tann ou tankou tè sèk k ap tann lapli+. (Sela)   O Jewova, tanpri, reponn mwen vit+,Fòs* mwen fin ale nèt+.Pa kache figi w pou mwen+.Si w fè sa, m ap vin tankou moun ki prèske desann nan twou a*+.   Nan maten, fè m tande lanmou fidèl ou genyen an,Paske, mwen met konfyans mwen nan ou.Fè m konnen nan ki chemen pou m mache+,Paske, se ou m vin jwenn*.   O Jewova, delivre m anba men ènmi m yo.Se pwoteksyon w m ap chèche+. 10  Aprann mwen ki jan pou m fè volonte w+,Paske, se Bondye m ou ye.Lespri w bon,Se pou l mennen m sou yon tè ki plat*. 11  O Jewova, prezève lavi m akoz non w.Retire m* nan lapenn, paske ou jis+. 12  Met yon fen nan* ènmi m yo+ akoz lanmou fidèl ou genyen an.Detwi tout moun k ap pèsekite m* yo+,Paske, se sèvitè w mwen ye+.

Nòt anba paj

Oswa: “pousuiv nanm mwen”.
Oswa: “Mwen etidye”.
Oswa: “Nanm mwen”.
Lit.: “Lespri”.
Oswa: “nan tonm nan”.
Oswa: “Paske, mwen leve nanm mwen devan w”.
Oswa: “mennen m nan peyi ladwati a”.
Oswa: “Retire nanm mwen”.
Lit.: “Fèmen bouch”.
Oswa: “pèsekite nanm mwen”.