Al gade sa k anndan l

Ale nan lis ki di sa k anndan l lan

Sòm 141​:​1-10

SA K LADAN L

  • Yon priyè pou mande pwoteksyon

    • “Se pou priyè m nan tankou lansan” (2)

    • Koreksyon moun ki jis la bay la tankou luil (5)

    • Mechan yo ap tonbe nan pwòp pyèj yo (10)

Yon chante David te ekri. 141  O Jewova, mwen rele w+.Tanpri, fè vit vin ede m+.Se pou w koute m lè mwen rele w+.   Se pou priyè m nan tankou lansan+ ki byen prepare y ap prezante devan w+.Lè m leve men m anlè pou m priye w, se pou sa tankou ofrann manje angren nan aswè+.   Ede m veye bouch mwen, o Jewova,Wi, ede m veye bouch mwen+.   Pa kite m gen anvi nan kè m pou m fè sa ki mal+,Pou m ta patisipe nan move zak ansanm ak mechan yo.Fè m pa janm manje bon ti manje yo genyen yo.   Si moun ki jis la ta frape m, li t ap montre li gen yon lanmou ki fidèl pou mwen+.Si li ta korije m, se t ap kòmsi li vide luil sou tèt mwen+,E m pa t ap janm anpeche l fè sa+.M ap kontinye priye pou moun sa yo lè malè tonbe sou yo.   Menmsi moun nan pèp la ta lage moun k ap jije yo anba nan falèz,Y ap koute pawòl mwen, paske se bon bagay m ap di yo.   Menm jan ak yon moun ki vire yon tè e ki kraze moso tè yo pou l gaye yo,Se konsa yo gaye zo nou nan bouch Tonm nan*.   Men, je m se sou ou l fikse, o Jewova+, Seyè ki Souvren an.Se nan ou mwen pran refij.Pa retire lavi m*.   Pwoteje m pou m pa tonbe nan pyèj yo tann pou mwen an,Nan pyèj mechan yo tann pou mwen an. 10  Tout mechan yo ap tonbe nan pwòp pyèj yo+,Alòske mwen menm, m ap pase bò kote yo san anyen pa rive m.

Nòt anba paj

Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
Oswa: “Pa vide nanm mwen”.