Al gade sa k anndan l

Ale nan lis ki di sa k anndan l lan

Sòm 108​:​1-13

SA K LADAN L

  • Priyè pou mande laviktwa sou ènmi yo

    • Delivrans nan men lèzòm pa itil anyen (12)

    • “Bondye ap ban nou fòs” (13)

Yon melodi. Yon chante David te ekri. 108  Kè mwen fèm, o Bondye.M ap chante e m ap fè mizik pou ou avèk tout nanm mwen*+.   Se pou hap* yo ak lòt enstriman akòd yo fè tande vwa yo+.M ap reveye douvanjou.   M ap fè louwanj pou ou nan mitan pèp yo, o Jewova,M ap chante louwanj* pou ou nan mitan nasyon yo.   Paske, lanmou fidèl ou genyen an se gwo zafè, li rive jis nan syèl la+,E fidelite w rive jis nan syèl la.   Se pou w montre pouvwa w anlè nan syèl la, o Bondye,E se pou w montre pouvwa w sou tout tè a+.   Sove nou ak fòs ponyèt ou e reponn mwenPou moun ou renmen yo ka jwenn delivrans+.   Bondye ki sen an pale*, li di:“M ap rejwi, m ap bay Sichèm kòm eritaj+,M ap mezire Vale Soukòt+.   Se pou mwen Galaad+ ak tribi Manase a ye,E tribi Efrayim nan se kas pou m met sou* tèt mwen+.Jida se baton pou m kòmande a+.   Mowab se kivèt mwen+.M ap voye sandal mwen sou Edòm+.M ap pote laviktwa sou Filisti+.” 10  Kiyès k ap mennen m nan vil ki byen pwoteje a?Kiyès k ap mennen m jis nan peyi Edòm+? 11  Èske se pa ou menm, o Bondye, ou menm ki lage nou an,Ou menm, Bondye nou an, ki pa soti ak lame nou yo ankò a+? 12  Se pou w ede nou nan malè nou ye a+,Paske, sa pa itil anyen pou nou tann delivrans nan men lèzòm+. 13  Bondye ap ban nou fòs+E l ap pilonnen ènmi nou yo anba pye l+.

Nòt anba paj

Lit.: “m ap fè mizik, menm glwa m tou”.
Oswa: “M ap fè mizik”.
Se kapab tou: “Bondye pale detan l kote ki apa pou li a”.
Lit.: “se fòtrès”.