Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Sòm 102​:​1-28

SA K LADAN L

  • Priyè yon moun y ap toupizi ki pèdi espwa

    • “Mwen tankou yon zwazo ki poukont li” (7)

    • “Lavi m tankou yon lonbray k ap disparèt” (11)

    • “Jewova ap rebati Siyon” (16)

    • Jewova ap toujou la (26, 27)

Yon priyè yon moun y ap toupizi fè paske l pèdi espwa* kote li ouvri kè l bay Jewova+. 102  O Jewova, koute priyè m+.Lè m rele w pou w ede m, se pou rèl mwen fè a rive jwenn ou+.   Pinga w kache figi w pou mwen nan moman difisil yo+.Panche zòrèy ou* pou w koute m.Prese reponn mwen lè m rele w+.   Lavi m tankou yon lafimen k ap disparèt.Zo m ap boule anndan m tankou yon fwaye dife+.   Kè m tankou zèb solèy la boule e ki seche+,Se sa k fè mwen pa menm sonje pou m manje.   Mwen tèlman ap plenn+,Mwen tounen zo ak po+.   Mwen sanble ak yon grangozye ki nan savann.Mwen tankou yon ti koukou ki nan mitan mazi.   Mwen kouche, men m pa ka dòmi*,Mwen tankou yon zwazo ki poukont li sou yon do kay+.   Se tout lajounen ènmi m yo ap pase m nan rizib+.Moun k ap moke m* yo fè non m tounen yon jouman.   Mwen manje sann tankou pen+E bwason m ap bwè a melanje ak dlo ki sot nan je m+ 10  Paske, ou te an kòlè anpil e ou te fache anpil.Ou te leve m anlè, men se pou w te ka voye m jete. 11  Lavi m tankou yon lonbray k ap disparèt*+.M ap fennen tankou zèb+. 12  Men, ou la pou toutan, o Jewova+.Moun nan tout jenerasyon ap konnen repitasyon* w+. 13  Vrèmanvre, w ap leve e w ap gen pitye pou Siyon+,Paske lè a rive pou w fè l favè+.Lè w te fikse a rive+. 14  Menmsi vil la fin tounen wòch ak pousyè+,Sèvitè w yo renmen l toujou+. 15  Nasyon yo ap gen lakrentif pou non w, o Jewova,E tout wa ki sou tè a ap ba w glwa+. 16  Paske, Jewova ap rebati Siyon+.Bondye ap parèt avèk glwa+. 17  L ap koute priyè moun ki pòv yo+,Li pap meprize priyè yo fè+. 18  Pawòl sa yo ekri pou jenerasyon k ap vini an+,Pou moun ki poko menm fèt* yo ka louwe Ja. 19  Paske, Jewova ap gade anba detan l nan syèl la+.Detan l kote ki byen wo ki sen an, li gade tè a 20  Pou l ka tande prizonye yo k ap plenn+E pou l delivre moun yo kondane amò yo+, 21  Yon fason pou moun ka fè konnen non Jewova nan Siyon+E pou yo ka fè louwanj pou li nan Jerizalèm 22  Lè pèp yo ak wayòm yoReyini ansanm pou yo sèvi Jewova+. 23  Li pran fòs mwen anvan lè,Li fè lavi m vin pi kout. 24  Mwen te di: “O Bondye m nan,Ou menm ki la pou toutan+,Pa pran lavi m pandan m jèn toujou. 25  Ou te poze fondasyon tè a depi lontan,E syèl la se travay ou fè ak men w+. 26  Yo menm, y ap peri, men ou menm, w ap ret la nètale.Menm jan ak yon rad, yo tout ap vin ize.W ap ranplase yo menm jan ak yon rad e yo pap la ankò. 27  Men ou menm, ou rete menm jan an, e lavi w pap janm fini+. 28  Pitit sèvitè w yo ap santi yo an sekirite kote yo abite aE desandan yo ap rete devan w pou toutan+.”

Nòt anba paj

Oswa: “paske l vin fèb”.
Oswa: “Bese”.
Se kapab tou: “Mwen mèg anpil”.
Oswa: “k ap bat plezi sou mwen”.
Oswa: “yon lonbray k ap vin pi long”.
Oswa: “non”.
Lit.: “kreye”.