Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Pwovèb 9​:​1-18

SA K LADAN L

  • Vrè sajès la ap rele lèzòm (1-12)

    • “Grasa mwen, w ap viv anpil tan” (11)

  • Fi ki sòt la ap rele moun vini (13-18)

    • “Dlo moun vòlè bon anpil” (17)

9  Vrè sajès la bati kay li.Li taye* sèt poto pou kay la.   Li prepare vyann li byen prepare*.Li prepare diven l.Epitou, li ranje tab li.   Li voye sèvant li yoNan zòn ki pi wo nan vil la pou y al di byen fò+:   “Kèlkeswa moun ki pa gen eksperyans lan, antre isit la.”Li di moun ki pa gen bonsans* yo:   “Vin manje manje m nan,Vin bwè nan diven mwen prepare a.   Si nou bezwen viv, se pou n sispann aji tankou moun ki pa gen eksperyans*+.Se pou n mache nan wout moun ki gen bon konprann yo+.”   Moun ki korije yon moun k ap pase moun nan rizib ap rale lawont sou tèt li+E moun ki blame yon moun ki mechan ap fè tèt li mal.   Pinga w blame yon moun k ap pase moun nan rizib pou l pa rayi w+.Korije yon moun ki gen sajès, epi l ap renmen w+.   Enstwi yon moun ki gen sajès, e l ap vin gen plis sajès+.Anseye yon moun ki dwat, e l ap vin gen plis konesans. 10  Yon moun kòmanse gen sajès lè l gen lakrentif pou Jewova+.Konesans Sila a ki pi sen an bay la+ fè moun vin entèlijan. 11  Paske, grasa mwen, w ap viv anpil tan+E lavi w ap long. 12  Si w vin gen sajès, se pou ou l ap bon,Men, si w se yon moun k ap pase moun nan rizib, w ap peye sa poukont ou. 13  Fi ki sòt la renmen fè eskandal+,Li inyoran e li pa konn anyen ditou. 14  Li chita sou yon chèz devan lakay li,Nan zòn ki wo nan vil la+. 15  L ap rele moun k ap pase yo,Moun k ap mache byen dwat sou wout yo, l ap di yo: 16  “Kèlkeswa moun ki pa gen eksperyans lan, li mèt antre isit la.”Li di moun ki pa gen bonsans* yo+: 17  “Dlo moun vòlè bon anpil,E manje moun manje an kachèt gen bon gou+.” 18  Men, moun l ap rele yo pa konnen si se moun ki mouri ki lakay fi sa a,E yo pa konnen si moun li envite yo rete kote ki fon nan Tonm nan*+.

Nòt anba paj

Oswa: “koupe”.
Lit.: “Li touye bèt l ap touye a”.
Lit.: “ki manke kè”.
Oswa: “se pou n kite moun ki pa gen eksperyans yo”.
Lit.: “ki manke kè”.
Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.