Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Pwovèb 3​:​1-35

SA K LADAN L

  • Montre w saj, epi fè Jewova konfyans (1-12)

    • Onore Jewova avèk bagay ki gen valè (9)

  • Sajès bay kè kontan (13-18)

  • Sajès ap pwoteje w (19-26)

  • Fason pou nou boule ak lòt moun (27-35)

    • Fè byen pou lòt moun depi w kapab (27)

3  Pitit mwen, pa bliye sa m montre w*,E se pou w obeyi kòmandman m yo ak tout kè w,   Pou w ka viv lontanE pou w ka viv anpè+.   Pinga w janm sispann montre w gen lanmou* e ou fidèl+.Mete kalite sa yo nan kou w.Ekri yo sou kè w+.   Konsa, w ap vin gen bon konprann e w ap jwenn favèNan men Bondye ak lèzòm+.   Fè Jewova konfyans+ ak tout kè w,E pinga w konte* sou entèlijans ou+.   Sonje l nan tout sa w ap fè+,E l ap fè tout bagay mache byen nan lavi w+.   Pinga w konte sou sajès ou genyen+,Gen lakrentif pou Jewova e vire do bay sa ki mal.   Sa ap fè kò w* vin an santeE sa ap bay zo w fòs.   Onore Jewova avèk sa w genyen ki gen valè yo+,Avèk premye bagay* nan tout sa w vin genyen*+. 10  Lè sa a, depo w yo ap plen nèt+E barik* ou yo ap plen diven ki fèk fèt k ap koule sot ladan yo. 11  Pitit mwen, pinga w rejte disiplin Jewova ba w+E pinga w rayi koreksyon l bay+, 12  Paske Jewova korije moun li renmen+Menm jan yon papa fè pou pitit li renmen+. 13  Byennere moun ki jwenn sajès+Ak moun ki vin gen bon konprann. 14  Li pi bon pou yon moun gen sajès olye l gen ajanE li pi bon pou yon moun genyen l kòm byen olye l gen lò+. 15  Li gen plis valè pase koray*.Pa gen anyen ou anvi genyen ki tankou l. 16  Li ka fè lavi yon moun vin longE li ka fè l jwenn richès ak glwa. 17  Wout li yo bay kè kontanE tout chemen l yo se chemen lapè+. 18  Li se yon pyebwa k ap bay moun ki kenbe l yo lavi,E moun ki kenbe l byen di yo ap kontan+. 19  Jewova te fè fondasyon tè a ak sajès+.Li te met syèl la nan plas li byen djanm ak entèlijans+. 20  Grasa konesans li, li separe dlo yoE li fè lawouze degoute sot nan nyaj ki nan syèl la+. 21  Pitit mwen, toujou sonje bagay sa yo*.Toujou bat pou w gen sajès* e pou w aprann reflechi. 22  Sa ap ba w* laviE sa ap yon bijou pou kou w. 23  Lè sa a, w ap mache sou wout ou san anyen pa rive w,E pye w pap janm frape nan anyen+. 24  Lè w kouche, ou pap pè anyen+.Ou pral kouche e w ap byen dòmi+. 25  Ou pap pè okenn malè ki ka rive bridsoukou+,Ni tanpèt k ap vin sou mechan yo+. 26  Paske Jewova ap toujou fè w gen asirans+,Li pap kite pye w pran nan pèlen+. 27  Pa refize fè byen pou moun ki bezwen w fè sa pou yo*+,Depi w kapab* fè sa+. 28  Pinga w di vwazen w: “Ale, w a tounen! Ou mèt vin demen, m ap ba w yon bagay”,Si w kapab ba li l kounye a. 29  Pinga w fè plan pou w fè vwazen w mal+,Alòske l ap viv bò kote w ak kè poze. 30  Pinga w fè kont ak yon moun san rezon+,Si l pa fè w anyen ki mal+. 31  Pinga w anvye sò moun k ap fè vyolans+E pinga w chwazi aji menm jan avèk yo. 32  Paske, Jewova pa vle wè moun k ap fè sa k pa sa+,Men, li bon zanmi ak moun ki dwat+. 33  Jewova lage malediksyon sou kay mechan yo+,Men, li beni kay moun ki dwat yo+. 34  Li pase fawouchè yo nan rizib+,Men, li fè moun ki gen imilite yo favè+. 35  Moun ki gen sajès yo ap jwenn glwa,Men, moun ki sòt yo se vye bagay yo bay valè+.

Nòt anba paj

Oswa: “pa bliye lwa m yo”.
Oswa: “lanmou ki fidèl”.
Lit.: “apiye”.
Lit.: “lonbrik ou”.
Oswa: “Avèk sa k pi bon”.
Oswa: “tout sa w antre pou travay ou”.
Oswa: “près diven”.
Sanble y ap pale de kalite Bondye gen lakay li, kalite yo pale de yo nan vèsè anvan yo.
Oswa: “sajès ki bay bon rezilta”.
Oswa: “bay nanm ou”.
Oswa: “moun ou dwe l sa”.
Oswa: “Depi men w gen fòs pou w”.