Al gade sa k anndan l

Ale nan lis ki di sa k anndan l lan

Pwovèb 23​:​1-35

SA K LADAN L

  • Kontwole tèt ou lè moun resevwa w lakay yo (2)

  • Pa kouri dèyè richès (4)

  • Richès ka vole al kite w (5)

  • Pa vin yon moun ki bwè twòp (20)

  • Alkòl mòde tankou yon sèpan (32)

23  Si w chita pou w manje ak yon wa,Veye kò w, sonje kote w ye!   Kontwole w*Si w se yon moun ki gen anpil apeti*.   Pinga w anvi bon manje l yo,Paske sa ka twonpe w.   Pa touye tèt ou dèyè richès+.Sispann fè sa, epi montre w gen bon konprann*.   Lè w voye je gade l, li pap la+,Paske, wè pa wè, l ap pouse zèl tankou èg e l ap vole nan syèl+.   Pinga w manje nan men yon moun ki chich*.Pinga w anvi bon manje l yo.   Li tankou yon moun tout afè l sou kontwòl*.L ap di w: “Manje non, bwè non!” Men, se pa sa l vle vre*.   W ap vomi sa w te manje aE konpliman w te fè yo ap gaspiye.   Pinga w di moun ki sòt la anyen+,Paske l ap meprize sajès ki gen nan pawòl ou yo+. 10  Pa deplase bòn tè ki la depi lontan yo+,E pinga w pran sou tè timoun ki san papa yo tikras pa tikras. 11  Paske Sila a k ap defann* yo a gen anpil fòs.L ap defann kòz yo pou w pa fè yo mal+. 12  Kite disiplin dirije kè w,Epi panche zòrèy ou pou w koute pawòl moun ki gen konesans. 13  Pinga w refize bay yon timoun* disiplin+.Si w ba l baton, li pap mouri. 14  Ou dwe ba l baton,Pou w delivre l* pou l pa al nan Tonm nan*. 15  Pitit mwen, si kè w vin gen sajès,Lè sa a, kè m ap kontan+. 16  Kè* m ap kontan anpilLè se sa ki dwat ou di ak bouch ou. 17  Pinga w anvye sò moun k ap fè peche yo nan kè w+,Men, se pou w gen lakrentif pou Jewova tout lajounen+. 18  Paske, lè sa a, w ap gen yon bèl avni+,E ou pap pèdi espwa. 19  Koute, pitit mwen, pou w ka vin gen sajès,Epi, fè kè w al nan wout ki dwat la. 20  Pinga w vin yon moun ki bwè twòp diven+,Ni yon moun ki manje twòp vyann+. 21  Paske, bwasonyè ak aloufa ap vin pòv+E moun ki renmen dòmi, se ranyon y ap met sou yo. 22  Koute papa w, paske se li ki fè w.Se pa paske manman w fin granmoun pou w meprize l+. 23  Achte* laverite e pinga w janm vann li+,Achte sajès, disiplin ak bon konprann e pinga w janm vann yo tou+. 24  Paran moun ki dwat la ap kontan kanmenm.Moun ki papa yon pitit ki gen sajès ap kontan avè l. 25  Papa w ak manman w ap kontan,E fi ki te fè w la ap kontan. 26  Pitit mwen, tanpri, koute m ak tout kè w,E se pou w kontan mache nan chemen m yo+. 27  Paske yon fi ki pwostitye se yon twou ki fon,E yon fi imoral* se yon pi ki jis+. 28  Li maske kò l tankou yon vòlè+,E li fè vin gen plis gason ki pa fidèl. 29  Ki moun ki nan malè? Ki moun ki santi l pa byen?Ki moun ki nan lobo? Ki moun k ap mache plenyen?Ki moun ki blese pou granmesi? Ki moun je l tou wouj*? 30  Se moun ki pase anpil tan ap bwè tafya*+,E moun k ap chèche* tafya ki pike. 31  Pinga w gade lLè l klere nan vè a e l ap desann swa nan gòj ou. 32  Paske, alafen li mòde tankou yon sèpanE li lage yon pwazon menm jan ak yon vipè. 33  Je w ap wè bagay ki dwòl,E se pawòl kwochi k ap sot nan kè w+. 34  W ap tankou yon moun ki kouche nan mitan lanmè,Tankou yon moun ki kouche sou tèt yon ma batiman. 35  W ap di: “Yo frape m, men, mwen pa santi sa*.Yo bat mwen, men, mwen pa konn sa.Ki lè je m ap klè+?Mwen ta bwè yon ti kou ankò*.”

Nòt anba paj

Lit.: “Mete yon kouto anba gòj ou”.
Oswa: “yon nanm ki plen ak anvi”.
Se kapab tou: “Sispann apiye sou pwòp entèlijans ou”.
Oswa: “yon moun ki gen move je”.
Oswa: “yon moun k ap kalkile nan nanm li”.
Lit.: “kè l pa avè w”.
Lit.: “Paske Sovè”.
Oswa: “yon tigason; yon jèn”.
Oswa: “delivre nanm li”.
Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
Lit.: “Ren”.
Oswa: “Chèche gen”.
Lit.: “etranje”. Gade Pw 2:16.
Oswa: “je l lou”.
Lit.: “diven”.
Oswa: “moun ki rasanble pou yo goute”.
Oswa: “mwen pa santi okenn doulè”.
Oswa: “M ap chèche l ankò”.