Al gade sa k anndan l

Ale nan lis ki di sa k anndan l lan

Pwovèb 19​:​1-29

SA K LADAN L

  • Bon konprann yon moun genyen fè l bese kòlè l (11)

  • Yon madanm ki toujou sou kont tankou yon do kay ki gen goutyè (13)

  • Madanm ki prevwayan an, se Jewova ki bay li (14)

  • Bay yon timoun disiplin pandan gen espwa toujou (18)

  • Li saj pou nou koute konsèy (20)

19  Pito yon moun pòv e li ret fidèl nan tout bagay+Pase pou l sòt e l ap bay manti+.   Li pa bon pou yon moun* pa gen konesans+,E yon moun ki aji twò vit* ap peche.   Lè yon moun aji an moun sòt, sa lakòz wout li kwochi,Epi, li vin an kòlè nan kè l sou Jewova.   Moun ki rich yo gen anpil zanmi,Men, menm zanmi moun ki malere yo kouri pou yo+.   Yon fo temwen ap jwenn pinisyon+,E moun k ap bay manti san pran souf yo pap chape+.   Anpil moun ap chèche jwenn favè nan men moun ki gen gwo pozisyon*,E tout moun ap chèche zanmi moun ki renmen bay kado.   Tout frè moun ki malere a rayi l+.Ou pa bezwen mande jan zanmi l yo evite l+!Li kontinye mache dèyè yo pou l mande yo èd, men pèsonn pa okipe l.   Yon moun ki vin gen bonsans* se yon moun ki renmen tèt* li+.Moun ki bay bon jijman valè ap reyisi*+.   Yon fo temwen ap jwenn pinisyon,E moun k ap bay manti san pran souf yo ap peri+. 10  Li pa bon pou yon moun sòt viv twò alèz.Alewè pou yon sèvitè ta gen pouvwa sou prens+! 11  Se bon konprann yon moun genyen ki fè l bese kòlè l+,E se yon bèl bagay lè l padone* bagay mal yo fè l*+. 12  Lè yon wa an kòlè, se tankou yon lyon* k ap gwonde+,Men, lè l fè yon moun favè, se tankou lawouze ki kouvri yon jaden. 13  Yon pitit ki sòt lage papa l nan pwoblèm+,Yon madanm ki toujou sou kont* tankou yon do kay ki gen yon goutyè k ap degoute san rete+. 14  Kay ak richès se eritaj papa kite pou pitit li,Men, madanm ki prevwayan an se Jewova ki bay li+. 15  Parès fè moun dòmi di,E yon moun* ki mòlòlò ap nan grangou+. 16  Moun ki obeyi kòmandman Bondye pwoteje lavi l*+.Moun ki pa veye kote l ap met pye l ap pèdi lavi l+. 17  Moun ki fè moun ki malere favè se Jewova li prete+,E Bondye ap rekonpanse l pou sa l fè a+. 18  Bay pitit ou disiplin pandan gen espwa toujou+,E pinga w responsab* lanmò l+. 19  Moun ki gen gwo san ap peye amann.Si w eseye sove l, w ap oblije fè sa plizyè fwa+. 20  Koute konsèy epi aksepte disiplin+Pou w ka vin gen sajès demen+. 21  Yon moun ka gen anpil plan nan kè l,Men, se konsèy* Jewova k ap reyalize+. 22  Se yon bagay ki bèl lè yon moun gen lanmou ki fidèl pou lòt moun+.E pito yon moun pòv pase pou l se yon moun k ap bay manti. 23  Lakrentif pou Jewova bay lavi+.Moun ki genyen l ap dòmi byen, anyen mal pap rive yo+. 24  Parese a foure men l nan yon bòl manje,Men, li pa menm vle leve men l met nan bouch li+. 25  Bat moun k ap pase moun nan rizib la+ pou moun ki pa gen eksperyans lan ka vin gen lespri+.Disipline moun ki gen bon konprann nan pou l ka vin gen plis konesans+. 26  Yon pitit ki maltrete papa l e ki voye manman l aleSe yon pitit ki fè moun wont e ki rale dezonè sou tèt li+. 27  Pitit mwen, si w sispann koute disiplin,W ap kite pawòl k ap bay konesans yo. 28  Yon temwen ki se yon voryen pase sa ki dwat nan rizib+,E mechan an renmen pale sa ki mal ak bouch li+. 29  Pinisyon la pou moun k ap pase moun nan rizib+,E baton la pou do moun ki sòt+.

Nòt anba paj

Oswa: “nanm”.
Lit.: “ki prese ak pye l”.
Oswa: “moun ki renmen bay”.
Lit.: “vin gen kè”.
Oswa: “nanm”.
Lit.: “ap jwenn sa ki bon”.
Lit.: “bèl bagay pou l pase sou”.
Oswa: “padone yon peche”.
Oswa: “yon jenn lyon ki gen krinyè”.
Oswa: “ki toujou ap tingting mari l”.
Oswa: “nanm”.
Oswa: “nanm li”.
Oswa: “swete”. Lit.: “leve nanm ou pou”.
Oswa: “objektif”.