Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Pwovèb 17​:​1-28

SA K LADAN L

  • Pa aji mal ak moun ki fè byen pou ou (13)

  • Anvan diskisyon pete, wete kò w! (14)

  • Yon bon zanmi demontre lanmou toutan (17)

  • “Kè kontan se bon remèd” (22)

  • Yon moun ki gen bon konprann kontwole sa l ap di (27)

17  Pito yon moun manje yon moso pen ki sèch kote ki gen lapè*+Olye l ret nan yon kay kote y ap fè gwo resepsyon* e ki gen hinghang+.   Yon sèvitè ki gen bon konprann ap vin chèf sou pitit mèt li k ap aji yon fason ki fè moun wont,L ap jwenn eritaj pa l kòmsi l te youn nan pitit yo.   Gen veso ki fèt pou fonn ajan e gen fou ki fèt pou fonn lò+,Men, Jewova li menm wè sa k nan kè moun+.   Yon moun ki mechan pran tan l pou l koute pawòl k ap blese moun,E yon moun k ap bay manti koute move pawòl moun ap di+.   Moun ki pase yon malere nan rizib pa respekte Sila a ki fè l la+,E moun ki kontan lè malè rive lòt moun ap jwenn pinisyon+.   Pitit pitit moun ki granmoun yo se yon kouwòn pou yo,E papa* yo fè pitit yo santi yo fyè.   Pawòl ki kòrèk* pa sanble ak moun ki sòt+,Alewè pou pawòl blòf ta sanble ak yon chèf*+!   Yon kado tankou yon pyè ki gen anpil valè* pou moun ki bay li a+.Kèlkeswa kote moun sa a ale, sa ap byen mache pou li+.   Moun ki padone* peche lòt moun ap chèche lanmou+,Men, moun ki pa sispann repete yon bagay ki te pase ap met bon zanmi dozado+. 10  Lè yo blame yon moun ki gen bon konprann, sa plis aji sou li+Pase si yo ta bay yon moun ki sòt 100 kout baton+. 11  Se rebèl sèlman yon move moun ap chèche fè,Men, y ap voye yon moun ki san pitye vin fè l peye sa l fè+. 12  Pito yon moun rankontre ak yon manman lous ki pèdi pitit liOlye l rankontre ak yon moun sòt k ap fè vye bagay+. 13  Si yon moun aji mal ak moun ki fè byen pou li,Ap toujou gen malè lakay li+. 14  Lè yon batay kòmanse, se tankou yon dlo yo lage*.Anvan diskisyon pete, wete kò w+! 15  Ni moun ki bay mechan rezon, ni moun ki kondane moun ki dwat+,Toule de bay Jewova degoutans. 16  Ki sa sa itil pou moun sòt la gen posiblite jwenn sajès,Si l pa menm gen yon kè pou sajès antre*+? 17  Yon bon zanmi demontre lanmou toutan+,E li se yon frè yo ka konte sou li lè gen malè+. 18  Yon moun ki pa gen bonsans* bay lanmen pou l montre l dakòFè yon pwomès* devan vwazen l pou l responsab yon dèt+. 19  Moun ki renmen chirepit renmen peche+.Moun ki fè antre kay li byen wo ap lakòz moun tonbe+. 20  Pa gen anyen k ap mache* pou moun ki gen mechanste nan kè yo+,E moun ki gen de lang ap tonbe nan pwoblèm. 21  Papa yon timoun ki sòt ap nan lapenn,E papa yon timoun ki pa gen bonsans pa gen kè kontan+. 22  Kè kontan se bon remèd*+,Men, lè yon moun dekouraje nèt, sa fè l pèdi fòs*+. 23  Yon mechan ap aksepte kado anba anba an sekrè*Pou l fè moun pa jwenn jistis+. 24  Moun ki gen bon konprann nan met sajès dwat devan l,Men, je moun sòt la ap pwonmennen rive jis nan dènye bout tè a+. 25  Yon pitit ki sòt lage papa l nan lapennE li fè manman l chagren*+. 26  Li pa bon pou yo pini moun ki dwat*,E li pa nòmal pou yo bat moun ki enpòtan. 27  Yon moun ki gen konesans kontwole sa l ap di+,E yon moun ki gen bon konprann ap rete kalm*+. 28  Menm yon moun ki sòt, si l ret san l pa di anyen, y ap pran l pou yon moun ki gen sajès.E y ap pran yon moun ki fèmen bouch li pou yon moun entèlijan.

Nòt anba paj

Oswa: “ki trankil”.
Lit.: “sakrifis”.
Oswa: “paran”.
Oswa: “bon”.
Oswa: “yon moun ki gen gwo pozisyon”.
Oswa: “Yon kado se yon pyè ki pot avantaj”.
Lit.: “kouvri”.
Oswa: “se tankou yon baraj yo ouvri”.
Oswa: “Si l pa gen bonsans”.
Lit.: “ki manke kè”.
Oswa: “Bay garanti”.
Lit.: “bon”.
Oswa: “bon pou geri maladi”.
Oswa: “sa fè zo l vin sèch”.
Lit.: “kado anba anba ki sot nan lestomak”.
Lit.: “anmè”.
Oswa: “pou yo fè moun ki dwat peye amann”.
Lit.: “rete ak lespri l frèt”.