Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Jenèz 5​:​1-32

SA K LADAN L

  • Soti nan Adan rive nan Noye (1-32)

    • Adan te vin gen plizyè pitit gason ak pitit fi (4)

    • Enòk te mache avèk Bondye (21-24)

5  Men istwa lavi Adan. Lè* Bondye te kreye Adan, Bondye te fè l sanble ak li+.  Bondye te kreye ni gason ni fi+. Jou li te kreye yo a+, li te beni yo e li te rele yo Moun*.  Adan te gen 130 an. Apre sa, li te vin gen yon pitit gason ki te menm jan ak li, ki te pòtre ak li, e li te rele l Sèt+.  Apre Adan fin gen Sèt, li te viv 800 an. Epi, li te vin gen plizyè pitit gason ak plizyè pitit fi.  Kantite tan Adan te viv te rive 930 an epi li mouri+.  Sèt te gen 105 an. Apre sa, li te vin fè Enòch+.  Apre Sèt fin gen Enòch, li te viv 807 an. Epi, li te vin gen plizyè pitit gason ak plizyè pitit fi.  Kantite tan Sèt te viv te rive 912 an epi li mouri.  Enòch te gen 90 an. Apre sa, li te vin fè Kenan. 10  Apre Enòch fin gen Kenan, li te viv 815 an. Epi, li te vin gen plizyè pitit gason ak plizyè pitit fi. 11  Kantite tan Enòch te viv te rive 905 an epi li mouri. 12  Kenan te gen 70 an. Apre sa, li te vin fè Mahalalèl+. 13  Apre Kenan fin gen Mahalalèl, li te viv 840 an. Epi, li te vin gen plizyè pitit gason ak plizyè pitit fi. 14  Kantite tan Kenan te viv te rive 910 an epi li mouri. 15  Mahalalèl te gen 65 an. Apre sa, li te vin fè Jarèd+. 16  Apre Mahalalèl fin gen Jarèd, li te viv 830 an. Epi, li te vin gen plizyè pitit gason ak plizyè pitit fi. 17  Kantite tan Mahalalèl te viv te rive 895 an epi li mouri. 18  Jarèd te gen 162 an. Apre sa, li te vin fè Enòk+. 19  Apre Jarèd fin gen Enòk, li te viv 800 an. Epi, li te vin gen plizyè pitit gason ak plizyè pitit fi. 20  Kantite tan Jarèd te viv te rive 962 an epi li mouri. 21  Enòk te gen 65 an. Apre sa, li te vin fè Metouchela+. 22  Apre Enòk fin gen Metouchela, li te kontinye mache avèk vrè Dye a* pandan 300 an. Epi, li te vin gen plizyè pitit gason ak plizyè pitit fi. 23  Kantite tan Enòk te viv te rive 365 an. 24  Enòk te kontinye mache avèk vrè Dye a+. Apre sa, yo pa t wè l ankò, paske Bondye te pran l+. 25  Metouchela te gen 187 an. Apre sa, li te vin fè Lamèk+. 26  Apre Metouchela fin gen Lamèk, li te viv 782 an. Epi, li te vin gen plizyè pitit gason ak plizyè pitit fi. 27  Kantite tan Metouchela te viv te rive 969 an epi li mouri. 28  Lamèk te gen 182 an. Apre sa, li te vin gen yon pitit gason. 29  Li te rele l Noye*+. Li te di: “Pitit sa a ap pote konsolasyon pou nou nan travay di n ap fè ak nan mizè n ap pase akoz Jewova te lage malediksyon sou tè a+.” 30  Apre Lamèk fin gen Noye, li te viv 595 an. Epi, li te vin gen plizyè pitit gason ak plizyè pitit fi. 31  Kantite tan Lamèk te viv te rive 777 an epi li mouri. 32  Lè Noye te vin gen 500 an, li te fè Sèm+, Kam+ ak Jafèt+.

Nòt anba paj

Lit.: “Nan jou”. Nan Labib, lè y ap pale de “jou”, sa ka gen rapò ak yon kantite tan ki pa toujou menm longè, yo pa toujou vle pale de yon jou ki gen 24 èdtan.
Oswa: “Adan; Lòm”.
Lit.: “avèk Dye a”. Gade Lis mo yo esplike yo.
Petèt, sa vle di: “Repo; Konsolasyon”.