Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Jòb 7​:​1-21

SA K LADAN L

  • Jòb kontinye reponn (1-21)

    • Lavi chaje ak tribilasyon (1, 2)

    • “Poukisa se mwen w vize?” (20)

7  “Èske lavi yon moun sou tè a pa chaje ak tribilasyon?Èske jou l yo pa tankou jou yon travayè+?   Menm jan ak yon esklav, li ta renmen jwenn lonbrayE menm jan ak yon travayè, l ap tann pou yo peye l+.   Se konsa yo fè m travay pandan yon pakèt mwa pou granmesiE mwen pase anpil nuit ap soufri+.   Lè m al kouche, mwen mande: ‘Ki lè m ap leve+?’Men, tank nuit lan long, mwen bat kò m san rete jis li jou.   Kò m chaje ak vè e l kouvri ak kras+,Po m chaje kwout ak pi+.   Jou m yo pase pi vit pase zegui nan men moun k ap fè twal+,E yo fini sanzespwa+.   O Bondye, pa bliye lavi m se yon van k ap pase+,E mwen pap janm gen kè kontan* ankò.   Je k ap gade m kounye a pap wè m ankò.W ap chèche wè m, men mwen pap la+.   Menm jan yon nyaj vin pal e li disparèt,Yon moun ki desann nan Tonm* pap retounen+. 10  Li pap tounen lakay li ankò,E moun nan zòn kote l te rete pap sonje l ankò+. 11  Se sa k fè, mwen pap fèmen bouch mwenM ap pale akoz tristès mwen gen nan kè m,M ap plenyen akoz soufrans mwen yo ki rèd*+. 12  Èske m se lanmè oswa yon gwo bèt nan lanmèKi fè w oblije met yon moun veye m? 13  Lè m di: ‘M ap jwenn soulajman sou kabann mwen,Kabann mwen ap soulaje m nan mizè m’, 14  Lè konsa, ou fè m fè rèv ki fè m pè,E ou fè m fè vizyon ki ban m kè kase, 15  Se sa k fè mwen* ta pito souf mwen koupe,Wi, mwen pito mouri pase pou kò m ret jan l ye a*+. 16  Mwen rayi lavi m+, mwen pa vle kontinye viv.Kite m trankil, paske jou m yo tankou vapè*+. 17  Ki sa lòm ye pou w ap bay tèt ou pwoblèm pou liE pou w ap panse avèk* li konsa+? 18  Poukisa w ap veye l chak maten,E w teste l tanzantan+? 19  Èske w pap sispann gade m,E pou w fè yon ti kite m, jis pou yon ti moman+? 20  Si m peche, ki sa m ka fè w, ou menm, Sila a k ap siveye tout sa moun ap fè+?Poukisa se mwen w vize?Èske m vin tounen yon chay pou ou? 21  Poukisa w pa padone sa m fè ki malE w pa bliye peche m fè?Paske, talè konsa, mwen pral mouri e m ap retounen nan pousyè+,W ap chèche m, men m pap la.”

Nòt anba paj

Lit.: “pap janm wè sa ki bon”.
Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
Oswa: “akoz nanm mwen ki anmè”.
Oswa: “nanm mwen”.
Lit.: “pase pou zo m ret jan yo ye a”.
Lit.: “souf moun”.
Lit.: “pou w ap fikse kè w sou”.