Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Jòb 36​:​1-33

SA K LADAN L

  • Eliyou fè lwanj pou grandè Bondye (1-33)

    • Bondye beni moun ki obeyi, li abandone moun ki kite l (11-13)

    • ‘Ki pwofesè ki tankou Bondye?’ (22)

    • Jòb dwe fè louwanj pou Bondye (24)

    • “Bondye gen plis enpòtans pase tout sa nou ka konnen” (26)

    • Bondye gen kontwòl sou lapli ak zèklè (27-33)

36  Eliyou kontinye pale, li di:   “Pran yon ti pasyans avè m toujou pandan m ap bay esplikasyon an,Paske mwen gen pawòl pou m di toujou pou Bondye.   M ap pale byen klè sou sa m konnenE m ap fè konnen Sila a ki kreye m nan dwat+.   Vrèmanvre, pawòl mwen yo se pa manti,Sila a ki gen konesans san fay la+ devan w la a.   An reyalite, Bondye pisan+, li pa voye pèsonn jete.Se pa ti bon konprann* li genyen!   Li pap pwoteje lavi mechan yo+,Men, l ap fè moun k ap soufri yo jwenn jistis+.   Li kontinye gade moun ki dwat yo+,Li mete yo chita sou twòn ansanm ak wa*+, li mete yo dirije pou toutan e yo gen anpil pouvwa.   Men, si yo mare yo nan chennE yo pran nan kòd malè,   Li fè yo konnen sa yo te fè,Peche yo te fè akoz ògèy yo gen lakay yo. 10  Li ouvri zòrèy yo pou yo koute disiplin,E li di yo sispann fè sa ki mal+. 11  Si yo obeyi l e yo sèvi l,Y ap gen anpil bon bagay pandan tout lavi yo,E lavi yo ap bèl+. 12  Men, si yo pa obeyi l, y ap mouri anba kout epe*+,E y ap mouri san yo pa konprann anyen. 13  Moun ki vire do bay Bondye* ap lakòz kòlè tonbe sou yo.Yo pa mande sekou menm lè se Bondye ki mare yo. 14  Yo mouri* pandan yo jèn+,Yo pase* vi yo ansanm ak gason k ap kouche ak gason ki nan tanp yo genyen yo*+. 15  Men, Bondye* delivre moun k ap soufri yo lè yo nan malè.Li ouvri zòrèy yo pou l anseye yo lè y ap toupizi yo. 16  Li retire w nan malè+Pou l mete w yon kote ki gwo anpil, kote w pap anba kontwòl pèsonn+.Li met bon manje sou tab ou pou l konsole w+. 17  Epi, w ap kontan lè yo fin jije mechan yo+,Lè jijman an fèt e gen jistis. 18  Men, veye kò w pou w pa kite kòlè fè w gen degoutans pou yo e pou w pa manke yo dega*+.Epi, pa kite gwo kado yo ba w anba anba fè w pèdi wout ou. 19  Èske sekou w ap mande aOubyen kèlkeswa gwo efò w ap fè yo ap fè malè pa tonbe sou ou+? 20  Pinga w chofe pou lannuit rive,Lè moun deplase kite kote yo te ye. 21  Veye zo w pou w pa fè sa ki mal,Pinga w chwazi fè sa ki mal olye w soufri+! 22  Gade! Bondye gen anpil pisans.Ki pwofesè ki tankou l? 23  Kiyès ki di l sa pou l fè*+,Oubyen ki di l: ‘Sa w fè a pa bon+’? 24  Pa bliye fè lwanj pou travay Bondye fè+,Travay ki fè moun chante pou li+. 25  Tout moun wè travay li yo.Moun ret byen lwen ap gade yo. 26  Wi, Bondye gen plis enpòtans pase tout sa nou ka konnen+.Pèsonn pa ka konte* kantite ane li genyen+. 27  Li fè gout dlo yo monte anlè+,Yo vin tounen lapli ak bwouya. 28  Epi, nyaj yo fè lapli tonbe+.Dlo benyen tout moun. 29  Èske gen moun ki ka konprann kouch nyaj yoAk bri loray k ap sot nan tant li an*+? 30  Gad ki jan li voye zèklè l*+ sou nyaj yoE li kouvri fon* lanmè a! 31  Grasa bagay sa yo, li ede* pèp yo,Li ba yo manje agogo+. 32  Li kenbe zèklè yo nan men l,Epi, li voye yo sou sa l vize+. 33  Loray li fè konnen ki moun li ye,Menm bèt yo fè konnen kiyès* k ap vini an.

Nòt anba paj

Lit.: “Se pa ti kè”.
Se kapab tou: “Li mete wa sou twòn”.
Oswa: “ak yon zam”.
Oswa: “Aposta yo”.
Oswa: “Nanm yo mouri”.
Se kapab tou: “fini”.
Lit.: “gason yo konn itilize pou fè imoralite seksyèl nan tanp yo”.
Lit.: “li”.
Oswa: “fè w bat men pou w manke yo dega”.
Se kapab tou: “ki kritike sa l fè; ki mande l regleman pou sa l fè”.
Oswa: “konnen”.
Lit.: “nan tonèl li a”.
Lit.: “limyè l”.
Lit.: “rasin”.
Se kapab tou: “defann kòz”.
Se kapab tou: “ki sa”.