Al gade sa k anndan l

Ale nan lis ki di sa k anndan l lan

Jòb 3​:​1-26

SA K LADAN L

  • Jòb regrèt li te fèt (1-26)

    • Li mande poukisa l ap soufri (20, 21)

3  Apre sa, Jòb te kòmanse pale e li te bay jou l te fèt la madichon+.  Jòb di:   “Se pou jou m te fèt la disparèt+,Ansanm ak nuit kote yon moun te vin di: ‘Gen yon tigason nan vant!’   Se pou jou sa a vin fè nwa.Se pou Bondye ki nan syèl la pa voye je gade l,Pinga okenn limyè klere l.   Se pou fènwa pwès kouvri l.Se pou nyaj pwès vlope l.Se pou fènwa ki bay laperèz kache limyè l.   Se pou nuit sa a fè nwa kou lank+,Se pou tristès kouvri l pami tout jou nan ane a,Pinga yo konte l nan mwa yo.   Vrèmanvre, se pou nuit sa a vin san vi.Pinga yo tande okenn rèl kè kontan ladan l.   Se pou moun k ap bay jou madichon yo ba l madichon,Moun ki kapab reveye Levyatan* yo+.   Se pou zetwal douvanjou l yo vin tou nwa,Se pou l tann limyè solèy la pou granmesi,Se pou l pa wè klète douvanjou. 10  Paske li pa t fèmen pòt vant manman m+,Ni li pa t anpeche m wè malè. 11  Poukisa m pa t mouri nan pasaj?Poukisa m pa t trepase lè m t ap sot nan vant+? 12  Poukisa mwen te jwenn jenou pou kenbe m,Ak tete pou m tete? 13  Paske kounye a mwen t ap deja kouche san pèsonn pa deranje m+,Mwen t ap deja dòmi, mwen t ap deja ap repoze+ 14  Ak wa latè yo ansanm ak konseye yo genyen yo,Ki te konstwi yon seri kote ki vin tounen dekonm kounye a, 15  Oswa ak prens ki te gen anpil lò,E ki te gen kay ki plen ak ajan. 16  Oubyen poukisa manman m pa t fè foskouch lè l t ap fè m,Pou m ta tankou timoun ki fèt tou mouri yo? 17  Menm moun ki mechan yo, lè yo nan tonm, yo sispann bat kò yo.Lè moun ki faya yo nan tonm, y ap repoze+. 18  Lè moun ki nan prizon yo nan tonm, yo alèz ansanm,E yo pap tande vwa moun k ap fòse yo travay. 19  Kote sa a, pa gen ni moun ki enpòtan ni moun ki pa enpòtan+,Epi esklav la delivre anba mèt li. 20  Poukisa Bondye kite yon moun k ap soufri viv*,E li bay moun ki nan gwo soufrans yo*+ lavi? 21  Poukisa gen moun k ap tann lanmò, men li pa vini+,Moun ki fouye pou yo jwenn li plis pase lè y ap chèche trezò, 22  Moun ki t ap rejwi anpilE ki t ap kontan al nan tonm? 23  Poukisa Bondye kite yon moun ki pèdi wout li viv,Alòske se Bondye ki bare wout li+? 24  Kounye a, se plenn m ap plenn lè m ap manje+,Epi m gwonde+ tankou dlo k ap desann. 25  Paske sa k te ban m plis kè kase a, se li ki rive m,Sa m te pè a, se sa ki pase m. 26  Mwen pa gen ni lapè, ni kè poze, ni repo,Men, malè kontinye ap frape m.”

Nòt anba paj

Yo konprann y ap pale la a de kayiman oswa yon lòt gwo bèt ki gen anpil fòs ki viv nan dlo.
Lit.: “bay limyè”.
Oswa: “moun nanm yo anmè yo”.