Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Jòb 28​:​1-28

SA K LADAN L

  • Jòb fè diferans ant trezò latè yo ak sajès (1-28)

    • Efò lòm fè pou yo jwenn metal (1-11)

    • Sajès gen plis valè pase grenn pèl (18)

    • Lakrentif pou Jewova, se sa ki sajès (28)

28  “Gen yon kote yo fouye pou yo jwenn ajanE gen yon kote yo jwenn lò yo netwaye a+.   Yo pran fè nan tèE yo fè kuiv fonn* pou fè l sot nan wòch+.   Lòm pot laviktwa sou fènwa,Li fouye rive jis nan dènye bout zòn ki sonm ak zòn ki fènwaPou l al chèche lò*.   Li fouye yon pasaj anba tè byen lwen kote moun rete,Kote moun pa ale, lwen kote moun konn pase.Gen moun ki desann ladan l e yo ret ap balanse anlè.   Se sou tè a manje donnen,Men, anba tè a, gen gwo boulvès, w a di se kote dife pase*.   Kote sa a, gen pyè safi nan wòch yo,E tè kote sa a gen ti grenn lò.   Pa gen okenn zwazo ki konn chase ki konnen chemen sa a.Je malfini pa wè kote sa a.   Pye okenn bèt fewòs pa pase la,Lyon pa al chase kote sa a.   Moun frape mas wòch ki di ak men yo,Yo vire mòn yo tèt anba. 10  Yo fouye kanal dlo+ nan mas wòch,Je yo wè tout sa ki gen valè. 11  Yo fè baraj pou bloke sous dlo yo,Yo met sa k kache deyò. 12  Men, ki kote yo ka jwenn sajès+?E ki kote sous bon konprann nan ye+? 13  Pèsonn moun pa konn valè l+,E yo pa ka jwenn li okenn kote sou tè a. 14  Gwo dlo di: ‘Li pa nan mwen!’E lanmè a di: ‘Li pa avè m+!’ 15  Yo pa ka achte l ak bon lò,Ni yo pa ka peze ajan pou yo bay nan plas li+. 16  Yo pa ka achte l ak lò ki sot Ofi+,Ni ak pyè ki pa fasil pou jwenn yo rele oniks la ni ak pyè safi. 17  Ni lò ni kristal pa ka parèt devan l,Ni yo pap bay li pou yon veso ki fèt ak bon lò*+. 18  Koray ak kristal pa ka rive nan nivo l+,Paske sajès gen plis valè pase yon sak ki plen grenn pèl. 19  Topaz+ ki sot nan peyi Etyopi* pa ka parèt devan l,Menm ak bon lò, yo pa ka achte l. 20  Men, ki kote sajès soti?E ki kote sous bon konprann nan ye+? 21  Yo sere l pou tout sa k vivan pa wè l+,E yo kache l pou zwazo nan syèl la. 22  Tonm* ak lanmò di:‘Se sèlman nouvèl li zòrèy nou tande.’ 23  Bondye konn ki kote pou l jwenn li,Se sèl li menm ki konn kote l ye+, 24  Paske li wè dènye bout tè aE li wè tout sa k gen anba syèl la+. 25  Lè l te bay van an fòs* li genyen an+E li te mezire lanmè a+, 26  Lè l te fè lwa pou lapli+Ak yon chemen pou nyaj ki lakòz tanpèt ak loray yo+, 27  Se lè sa a li te wè sajès, li te esplike sa l ye,Li te mete l nan plas li e li te byen egzamine l. 28  Epi, li di lèzòm:‘Gade! Lakrentif pou Jewova, se sa ki sajès+,E vire do bay sa ki mal, se sa ki bon konprann+.’”

Nòt anba paj

Lit.: “koule”.
Lit.: “wòch”.
Sanble y ap pale de travay yo konn fè lè y ap fouye nan min.
Oswa: “lò ki rafine”.
Oswa: “peyi Kouch”.
Lit.: “Destriksyon”.
Lit.: “pwa”.