Al gade sa k anndan l

Ale nan lis ki di sa k anndan l lan

Jòb 27​:​1-23

SA K LADAN L

  • Jòb deside rete fidèl (1-23)

    • “Mwen pap sispann ret fidèl” (5)

    • Moun ki kite Bondye yo pa gen espwa (8)

    • “Poukisa pawòl nou yo san valè konsa?” (12)

    • Mechan yo ap ret san anyen (13-23)

27  Jòb kontinye ak pawòl* li t ap di yo, li di:   “Menm jan li klè Bondye vivan, li menm ki refize fè m jwenn jistis, mwen fè sèman devan l+,Menm jan li klè Toupisan an vivan, li menm ki fè lavi m* anmè, mwen fè sèman devan l+,   Toutotan mwen toujou ap respire,E souf Bondye bay la nan mwen+,   Mwen pap pale bagay ki pa dwat ak bouch mwen,Ni m pap di sa k pa sa ak lang mwen!   Sa pa t ap janm vin nan lide m pou m di nou se moun ki dwat!Jiskaske m mouri, mwen pap sispann* ret fidèl ak Bondye+!   M ap kontinye fè sa ki dwat e mwen pap janm sispann fè sa+.Toutotan m ap viv*, konsyans* mwen pap kale m*.   Se pou ènmi m yo vin menm jan ak mechan yo!Se pou moun k ap atake m yo vin menm jan ak moun ki pa jis yo!   Paske ki espwa moun ki vire do bay Bondye yo* genyen lè yo mouri+,Lè Bondye retire lavi* yo?   Èske Bondye ap tande rèl yo fèLè malè tonbe sou yo+? 10  Oubyen èske y ap jwenn plezi nan Toupisan an?Èske y ap priye Bondye toutan? 11  M ap montre nou ki sa pisans Bondye ye*,Mwen pap kache nou anyen sou Toupisan an. 12  Gade! Nou tout se moun ki fè vizyon,Poukisa pawòl nou yo san valè konsa? 13  Men sa Bondye bay moun mechan an+,Men sa moun k ap toupizi moun nan resevwa nan men Toupisan an. 14  Si l vin gen anpil pitit gason, y ap mouri anba kout epe+,E desandan l yo pap gen ase manje pou yo manje. 15  Moun li kite apre l fin mouri yo, maladi ap touye yo,E madanm yo te genyen yo pap kriye pou yo. 16  Menmsi li anpile ajan tankou pousyè tè,E li anpile rad bon kalite menm jan ak pil tè, 17  Menmsi l ta ranmase yo met yon kote,Se moun ki dwat la k ap mete yo+,E se moun ki inosan an k ap separe ajan l yo. 18  Kay li bati a pap dire lontan,Menm jan ak yon tonèl+ yon gadyen fè. 19  L al dòmi tou rich, men li pap posede anyen,Lè l ouvri je l, li pap ret anyen. 20  Laperèz anvayi l tankou gwo dlo,Yon van tanpèt pote l ale lannuit+. 21  Yon van ki sot nan lès ap pote l ale e li pap la ankò,L ap bwote l ale byen lwen kote l te ye a+. 22  L ap plonje sou li san pitye+,E li menm l ap bat pou l chape anba l+. 23  Li bat men pou l pase l nan rizibE li ret kote l ye a li soufle+ pou l bat plezi sou li*.

Nòt anba paj

Oswa: “pwovèb”.
Oswa: “ki fè nanm mwen”.
Oswa: “m ap kontinye”.
Oswa: “Pou okenn nan jou m yo”.
Lit.: “kè”.
Oswa: “nui m”.
Oswa: “ki espwa aposta yo”.
Oswa: “nanm”.
Se kapab tou: “M ap sèvi ak men Bondye pou m anseye nou”.
Se kapab tou: “Yo bat men pou yo pase l nan rizib e yo ret kote yo ye a yo soufle pou yo bat plezi sou li”.