Al gade sa k anndan l

Ale nan lòt meni an

Ale nan lis ki di sa k anndan l lan

Temwen Jewova yo

Kreyòl ayisyen

Labib sou Entènèt | LABIB — TRADIKSYON MONN NOUVO A

Jòb 26​:​1-14

SA K LADAN L

  • Jòb reponn (1-14)

    • “Se konsa w ede moun ki pa gen fòs la!” (1-4)

    • ‘Bondye fè tè a ret pandye san pa gen anyen ki kenbe l’ (7)

    • ‘Se sèlman yon ti bagay nan sa Bondye fè yo’ (14)

26  Jòb reponn:   “Se konsa w ede moun ki pa gen fòs la!Se konsa w sove moun ki pa gen fòs ankò a+!   Ala bon konsèy ou bay moun ki pa gen sajès la+!Ou pa manke pa alèz pou w montre ou gen sajès*!   Ak kiyès w ap eseye pale la a?E ki moun ki pouse w di bagay sa yo*?   Moun ki mouri yo ap tranble.Kote yo ye a pi fon menm pase lanmè a ak bèt ki ladan l yo.   Tonm* nan ret ouvè byen laj devan Bondye*+,Pa gen anyen ki kouvri kote kadav yo ap dekonpoze a.   Li blayi pati nò syèl la* nan yon espas ki vid*+,Li fè tè a ret pandye san pa gen anyen ki kenbe l,   Li vlope dlo yo nan nyaj li yo+,Yon fason pou fòs dlo yo pa fè nyaj yo eklate,   Li bare twòn li an pou moun pa wè l,Li ouvri nyaj li yo sou li+. 10  Li trase yon liy pou l separe syèl la ak lanmè a+.Li met yon fwontyè ant limyè ak fènwa. 11  Poto ki kenbe syèl la pran tranble.Lè l leve vwa l, yo pran souke. 12  Li sèvi ak pisans li pou l fè lanmè a move+,Li sèvi ak entèlijans li pou l kraze gwo bèt nan lanmè a* miyèt moso+. 13  Li sèvi ak souf li* pou l fè syèl la vin byen klè.Li touye koulèv k ap chape* a ak men l. 14  Ebyen, sa yo se sèlman yon ti bagay nan sa l fè yo+.Se sèlman yon ti chwichwichwi nou tande nan vwa l!Bon, ki moun ki ka konprann fason l fè gwo loray yo+?”

Nòt anba paj

Oswa: “bonsans”.
Lit.: “E souf (lespri) kiyès ki sot nan ou”.
Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
Lit.: “li”.
Lit.: “Li blayi nò”.
Lit.: “nan vid”.
Lit.: “Rahab”.
Oswa: “ak van”.
Oswa: “file”.